ياللي دفنتوا ( جثتهـ ) ليه تبكـون ..؟
. . . لـــولا الحـيا لا اقــول معكمـ خذونــي
منه انحرمت وكنــت انا عنهـ مسجـون
. . . ما اذكر لمحتهـ غير ( مرهـ ) بعيوني
شفتهـ وكانـــــت فرحتـي مالها لـــون
. . . عجزت لأوصــف من لمحـتهـ شجونــي
ياليتنـي كنت ( الكفـــن ) يوم تمشون
. . . ابقـى معــه بالقــبر ثــــم تــدفنــوني
او ليتني خلفــكـم كنـــتـ ( مجــنون )
. . . اتبــع ( خطاكم ) والعذر هو جنـــوني
ابكي وراكم وادعي ان كان تدعــون
. . . مايكفي انه عاش عمــره ( بدونــي )
( تكفون ) هاكم عمري اليوم تكفون
. . . برخص ( حياتي ) دام خابت ظنـوني
مافادني صبري ولافـــــــادني عـون
. . . ولافادني ( دمــع ٍ ) حرق لي جفوني
ياما بكيتــــه والبكا يحرق عـــيون
. . . ميت او انــه حي دمـــعي بعيـــــوني
( العام ) كان بفرحته يعزف لحون
. . . واليوم ( تحت ) الارض ماهو بكـوني
لكن انا في فرحته كنت مــــــدفون
. . . فوق الثرى واليوم موتـــــه سجوني
سميت قلبي عقب فرقاه ملـــــعون
. . . هو والليالي عن هناهـ منـــــــعوني
ياليتني ماعـــــشت لحظه بهالكون
. . . وياليت ( ربعي ) في سكات ذبحوني
وياليتكم عن همّي اليوم تــــدرون
. . . منه انحـرمت ومن عزاه احرمـــوني
حتى بوفاته يوم انا طحت مطـعون
. . . أخفيت طعنـــــــاتي قبل يفـــضحوني
بكيت لكن ماتظاهرت بالـــــــهون
. . . ابكـي واقول ( الموت ) سبة طعوني
× هــلايهـ ×
:
