الموضوع: بكل امانة وش صار معكم بأول ايام العيد؟؟؟؟اطرحها هنااا
مشاهدة مشاركة بصفحة مستقلة
  #11  
قديم 13/10/2007, 09:59 AM
خالي من الهم خالي من الهم غير متواجد حالياً
موقوف
تاريخ التسجيل: 29/04/2006
مشاركات: 1,854
السلام عليكم ورحمة الله وبركاته
كل عام وإنت بخير

طبعن أمس أول مره أحس أخواني يحقدون علي تحديدا أخوي الي وصلني المطار أكيد تذكرونه .

صلينا الفجر ورديت ورحت مع ابوي اصلي العيد فديته هو يسوق بي وانا والله معذور .

بعد العيد كان الفطور عندنا لأن ابوي الكبير وأنواع الضيوف اشكال والوان وانا ياحبي لنفسي جالس رجل على رجل واخواني متبهذلين بصب القهوه وتقديم الفطور والحلويات

يحق لي توني طالع من المستشفى أجل يبوني أتعب والله حرام .

جت الساعه عشره وانا والله تعبان حيل ومبي اوضح لاهلي انسحبت واتصلت بماجد مقبل وسوالف إلا والمشاغب يتصل وشبكته معنا مكالمه جماعيه وساعه و12 دقيقه سواليف الناس يعيدون وحنا نتكلم بالمجلس العام واعضائه الكرام وترا ما مدحنا احد ولا سبينا احد حتى فياض .

انسحب المشاغب بعد ان سمعت صوت العقال في ظهره من ابوه وهو يقوله مخلي الضيفان وجالس تتخرفن شكل ابو المشاغب يعرف فضايحه .

المشكله المشاغب بريء بس السمعه رايحه فيها .

ودعت ماجد واذن الظهر صليت وجالس اناظر بالسرير بكل شوق نمت وقمت 7ونص الله يغفر الذنب صلينا مفاتنا شوي الا واتصال من خويي مواصل وسوالف ودخلنا في الدين شوي الله يجزاه خير تعشيت مع الاهل وكلمه من ابوي وكلمه من امي وقلت اسف بعيد على الكل اليوم الله يعيني بس بعدين طلعت من البيت ومع الزملاء حتى صلاة الفجر صلينا ودخلت النت وسلامتك جبت لك يومي بالتفصيل الممل حتى بالمكالمات قبل منسا حتى الهاوي دق علي وسولفنا كثير وقررنا بإستراحه قريبه على شرفي .

وكل عام والجميع بخير.
اضافة رد مع اقتباس