نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة عشاق برشلونة ][ ][ 2007

PUYOL Carles · #3 10/10/2007, 05:39 AM

اعطوني رأيكم ..

طبعا الحين فترة توقف للدوري .. وبتكون أخبار البارسا معظمها حول مايقدمه اللاعبين مع منتخبات بلادهم .. لكن نتكلم في شي على المدى البعيد .. ممكن الانتقالات الشتويه .. وممكن الموسم القادم .. واحنا قبل كم يوم تطرقنا في نقاش حول شي شبيه باللي بتكلم عنه الحين ..

=====

الحين لو احنا جينا مسكنا فريقنا .. ونفضناه في خط المنتصف

..

بنشوف اللاعبين التاليين ..

1) توريه
2) ادميلسون [مصاب]
3) تشافي
4) انييستا
5) ديكو [ماله بديل مثالي تقريبا]
6) ماركيز [يلعب في مركزين القلب والمحور]
7) كروساس [ماعنده خبره وتجربه يعتمد عليها نظرا لصغر سنه]

واللاعبين الا ممكن يلعبو في خط المنتصف من الهجوم بشكل جيد تكتيكيا على الأقل ..

1) قوديونسين [مكان ديكو]
2) ازكويرو [ لعب في هالمركز سابقا - ولابأس به نوعا ما]

=====

بنشوف انه عندنا نقص في نوعية لاعبي خط الوسط .. يعني معظم اللاعبين ارتكاز أكثر من صانع العاب مثل ديكو .. ممكن انييستا يلعب مكان ديكو ويبدع .. لكن أشوف انه الفريق ممكن تجيه اصابات في أي لحظه .. وخاصة دور ديكو .. مافي اله بديل كفؤ ..

=====

الحلقه الأضعف من لاعبي خط الوسط الا ذكرتهم .. أو لاعبي الفريق بشكل عام .. هم قوديونسين وازكويرو .. الاثنين صرح ليهم ريكارد ماراح يعتمد عليهم .. ازكويرو حاول يطلع بس النادي الا كان وده يروح اله وهو بلباو قرر التوقف عن المضي في صفقته ولهذا راحت عليه فرصة الذهاب الى انكلترا ..

وقوديونسين .. قرر البقاء واعلان التحدي .. وكان مصاب .. والحين تخطى الاصابه .. لكن الى الآن ماأعطاه المدرب فرصه تمثيل الفريق في أي مركز من المراكز الا ممكن يلعب فيها ..

=====

فـ السؤال الا يطرح نفسه .. هل قرر ريكارد ابعاد قوديونسين عن مركز الهجوم نظرا لوفرة المهاجمين في البارسا حاليا .. والا يستطيعو يطبقو فكر ريكارد في الملعب .. واشراكه في المركز الأفضل لنوعيته لعبه .. وهو في خط الوسط مكان ديكو ..

يعني من المفترض انه قوديونسين يصير بديل ديكو الأول هذا الموسم ..

=====

لكن .. لو ريكارد قرر عدم الاعتماد عليهم تماما .. أعتقد بيكون خساره الى النادي يدفع فيهم فلوس على الفاضي .. وبيكون في خط المنتصف فيه نقص البديل الكفؤ خصوصا لمركز ديكو ..

=====

اقتراحي ! ..

ازكويرو وقوديونسين عندهم فرصه كبيره للعب في الدوري الانجليزي أو في بريطانيا بشكل عام .. وأكثر من فريق طلب توقيعهم في الصيف الماضي ..

فـ المفروض على النادي يبيعهم في سوق الشتاء .. ويجيبو لاعب قادر على لعب دور ديكو واذا كانت عندهم امكانية شغل أكثر من مركز بيكون أحلى وأحلى .. وبالتالي نتخلص من عبء وجودهم .. ونجيب لاعب يفيد في خط الوسط ..

=====

ترشيحاتي ..

طبعا في لاعبين كثار في أوروبا يتمناهم أي نادي وأي مشجع .. لكن لازم ندور لاعب يستطيع اللعب في التشامبيونز وأي بطوله يدخلها الفريق ..

أنا أشوف فيه لاعبين مناسبين للفريق .. امكانياتهم كبيره .. والفريق قادر على دفع قيمة انتقالهم .. وفي نفس الوقت يلعبو في كل مراكز خط الوسط ..

اللاعب الأول:

مايكل أرتيتا الاسباني لاعب ايفرتون الانجليزي ..

هذا فيديو جميل .. مقابله .. ويتكلم فيه عن بعض ذكرياته في اللاماسيا .. وذكر وبابانجيدا فالديز وانييستا وبويول ..

أرتيتيا .. خريج مدرسة البارسا .. ولاعب ماهر ولديه تجربه كبيره رغم سغر سنه (أظن 25 سنه) .. يستطيع اللعب أكثر من مركز .. ويملك قدم قويه .. وتمريرات ممتازه ..

اللاعب الثاني:

فيرناندو بيلوتشي الأرجنتيني لاعب ريفير بليت ..

شوفو القول الثاني الى الريفر الا جابه بيلوتشي .. والقول الأول هو الا صنعه من الفاول .. والقول الثالث هو الا جابه .. والقول الخامس لاتعليق ..

أحد عمالقة الدوري الأرجنتيني الصغار .. هو وقاقو مستقبل منتخب الأرجنتين في خط الوسط .. يستطيع اللعب في أي مركز ( جناح - محور - محور متقدم - صانع ألعاب هجومي ) .. ويسدد بالرجلين بشكل ممتاز .. ولياقته عاليا وصغير في السن ..

=====

أتمنى النادي يفكرو في هالشي .. لأنه مشكله لويغيب ديكو .. او يغيب تشافي .. لأنه أدوارهم صعبه جدا .. وموأي لاعب قادر على تعويضها ميه بالميه .. واللاعبين الا ذكرتهم مميزين وخاصه بيلوتشي أنديه كثيره تتمناه .. وياليت يجو للفريق ..