نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

شـــذى · #4 09/10/2007, 11:04 PM

وعليكم السلام ورحمة الله وبركاته

السلام عليكم ورحمة الله وبركاته

<< اختار منها ما شئت

لأنك لحست مخي ولا أدري أرد ولا أبادر

نبدأ بعنوان كتابك واللي ما راح يشوف النور

إلا بشروط وقيود

<< يمدحون دور النشر خارج الوطن العربي ويحلفون إن مقص الرقيب ما يمر عليها

.!

التــاريخ يقــص شعـــره كــــاريه

غير عنوان كتابك ولا تصدق ترى التاريخ رجال سنافي ما يسويها بس عيبه إنه قليل حيلة

ولا كان عليه جدايل مالها شبيه ولا مثيل

واللي زايد حلى شعره إن صبغته رباني أبيض ناصع و أسود حالك

<< سبحان من جمع الأضداد فيه

بس حسبي الله على اللي جوا يتقمصون دور الكوافير

يا هم لعبوا في شوشته لعب

يحلفون إنهم أول ما قصوا قذلته

وقصوها قصة الديك الحزين

والظاهر إنهم جاروا في قصتها وكانت بداية الطريق للتناوب على قصه

وذاك البياض والسواد الرباني صبغوه اصفر يوم تشوفه تقول مصاب بفيروس الوباء الكبدي c

<<< من النوع اللي ترد على العناوين وتمسك معها خط

....!

ما علينــــــــــــا ....

إقتباس


	ياالربع احيانا يجيني احساس مدري وشو.. احس ان ودي أهاجر لبلد ثاني

وهـ وبس الله لا يخلينا تعال بس شوف الولاء اللي على أصوله وردد معي

وطني حبيبي وطني الغالي وطني النجم العالي وطني

شعلة مضيئة كلمة جميلة وطني وطني النجم العالي وطني

<< متابعة فوق الممتازة لبرنامج عيال الديرة مع ماما أنيسة

إقتباس


	شربت من مائها ودعست على ترابها واستنشقت هوائها واستمتعت بزقزقة عصافيرها

ههههههههههه يازين تعابيرنا عن الوطن في الابتدائية

يصيبنا شيء مدري وش هو

ودي أعبر عما يختلج بداخلي بس الشح اللغوي هو اللي يمنعني

وكله كوم ويوم أختمها بـ أفديك ياوطني بروحي ودمي وكل غالي ونفيس وبأمي وأبي ..

وبعدها يجيني شعور مدري وش يبي

يخليني أتمنى لو إني امتطي صهوة مدرعة وأبيد الناس عن بكرة أبيهم

وأعيش بس أنا و وطني في تبات ونبات

<< طيب وش ذنب الضعوف تبيدينهم

>> من زود الحماس الله يكفيكم شره

إقتباس


	مشكلتنا نبي كل شي يوصل حدنا بدون مانقدم مقابل..

ماش ظروف مناسبة تخلينا نقدم المقابل يا أبو الدرداء

دورات المياه

& أصحاب الفعايل الخايسة

والألفاظ السوقية

ـــــــــ الخ من النقاط المذكورة من قبل معاليكم ..!

وبدو استرسال هذي النوعية من الناس ذكورهم وإناثهم مصابين بمرض نفسي عضال يحتاج لعلاج مكثف

والله لا يا ثمني إنها بوادر لمرض الذُهااااان الله يكفينا ويكفيكم شره .!

إقتباس


	يقول: الا نفس الخشه! تاخذه على قد عقله وتقوله طيب انا ولده.. ينقز شايب ثاني ويقول: لاتكذب فلان مايجيب عيال!!

هههههههههههههههههههههههههههه ....

إقتباس


	اعنبوا ابليسك طيب علم خويك والا مستانسين وانتم تطقطقون على راسي

وقسم بالله ما فيه شيء يشرح الخاطر مثل هوشتهم وانتقادهم مدري ليه أحس البيت اللي بدون شايب ولا عجوز

بيت بدون حيااااااة

إقتباس


	لكن يااخوان والله اللي في سماه ان الواحد مايتحمل يفارق هالديره الا وهو مشتاق لاهلها وبثارتهم وللناس وسواقتهم وللهمج وطفاقتهم.. ومثل ما قال راعي الموضوع: مالك الا خشمك لو هو أعوج

لا فض فوك فقد أصبت كبد الحقيقة يا أبا الدرداء << ماذكرتك بالبزر اللي يشخبط ع الجدران منادي بالديمقراطية ..

إقتباس


	الله لايعيد هاليوم الوطني ابد ابد الا وربعنا افضل الناس واحرصهم

يوم قريت اليوم الوطني إلا وتباغتني نفسي بسؤال

وش مفهومك عن الوطنية يا شذى ؟؟

بغيت أراوغ في الإجابة بس ماش ما قدرت ..!

تعرف تمون عليه ولا أقدر اخبي عنها شيء ( هذي اللي هي أنتِ يانفسي )

وصارحتها بمفهومي للوطنية ( وبخلي تصريحي سر بيني وبينها )

هي بعدها سكتت ولا قالت لي شيء استغربت

وقمت أقول ها يا نفسي أشوفك ما رديتي عليه

عسى ما غلطت عليك بدون ما أدري ..!

إلا ترد عليه وهي معصبة تدري وش قالت لي

قااااااااااالت ...

كل واحد فيكم ( يغني على ليلاه )

...!!!

ما أقول إلا الله يعين الوطن عليكم

ويعينكم على المتحدثين باسم الوطن

..

وكان هذا أخر عهد لي بالحديث معها الظاهر إنها زعلانة

بس قلت بحاول أراضيها مع شقشقة يوم العيد

يقولون العيد مفرق الأحزان بس عساها ترضى ..!!

كان والله ودي أعلق على بقية الأجزاء بس لياقتي لا تختلف عن لياقة معاليكم أضف إن الوقت ما فيش ..

إن شاء الله لنا عودة

والله يعطيك العافية يا أبو الدرداء