نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أحذروا التجديد مع تفاريس .. شاهدوا مستواه قبل

أبو صالح 1377 · #12 09/10/2007, 04:23 PM

إقتباس

الرسالة الأصلية كتبت بواسطة بحرالعيون


	اللي ينكت واللي يسب واللي يطنز هذا انتم اذا تكلمنا في الصميم ومشاكل الزعيم صرفتوا الموضوع ابغى واحد بس يكلمني بجد ويناقشني ولا لا ابغاه اقرب مباراة للزعيم يشوف صدق كلامي ماغير تكسير وتمريرات عالية برا وتهرب من المهاجمين

قريت الموضوع وأنا أضحك ،، والله حسبتك تستهبل
أنتظرك تغير رايك ،، حسبتك جالس تسحبنا ،، لكن اتضح انك جاد في كلامك
وإذا انت رحت للملعب وتابعت تفاريس مرة أو مرتين أو ثلاث ،
ترى فيه غيرك ما تفوتهم ولا مباراة في الرياض الا ويحضرونها في الملعب ، يتابعون تفاريس وغيره
ولا واحد فيهم قال اللي قلته لأنك مثل ما قالوا الاخوان تسبح عكس التيار في تصرف غير محسوب منك

وبالنسبة للتقدم اللي يسويه تفاريس احيانا هذا ميزة وليس عيب ،، وأي مدرب يعرف الشي هذا
لأن دفاع الخسم مكلفين بمراقبة عناصر معينة من المهاجمين ومن لاعبين الوسط ، لكن لما يجي مدافع طويل وبنيته قوية مثل تفاريس بيتلخبط المدافع اللي مكلف بمراقبة عناصر أجسامهم أقل قوة وأقصر مثل الشلهوب والقحطاني ... يعني المفروض اذا شفت تفاريس يساند في الهجمة تنبسط ما تزعل وتصارخ وتقول : " ارجع يا تفاريس لا تترك خانتك "

أما مسألة انه ينحاش من المهاجمين هذي ترى ما تنبلع في قاموس كرة القدم ، يعني ليتك والله بحثت عن مصطلح له معنى نناقشك فيه غير مسألة الهروب من المهاجمين ،،،، لأنه في أسوأ الأحوال المهاجم هو اللي ينحاش من المدافع وليس العكس

سلام