09/10/2007, 02:15 AM
|
 | برشلوني مخضرم | | تاريخ التسجيل: 05/08/2004 المكان: somewhere I belong
مشاركات: 6,701
| |
دوس سانتوس هو صاحب الكلمه الأعلى بين الثلاثه الصغار المذكورين ..
موهبته استحقت الانتباه أكثر ويجب تطويرها وصقلها بعنايه بوجود ريكارد الرائع من هالناحيه وبوجود لاعبين خبره في الهجوم امثال هنري وايتو وميسي وروني الا يهتمو الى اللاعبين الشباب .. الفرق بين جيوفاني وبين بويان انه أكبر منه سنا .. ولهذا وصل لهالمرحله والشهره بشكل أسرع .. بعد ماتألق مع منتخبات المكسيك السنيه .. وفي كأس العالم للشباب ..
وبويان .. ممكن السنه القادمه ياخد فرصه أكبر .. برحيل ازكويرو .. وقوديوسين .. الا أصلا ريكارد مطنشنهم .. لكن بيكون أخد خبره من الموسم الحالي .. وتعود أكثر على التنقل المستمر للفريق والضغط النفسي في المباريات الكبيره وماالى ذلك ..
ريكارد همه فقط انه يحمي هالنجمين من الضغط الاعلامي .. ريكارد خايف انه تضيع موهبتهم بسبب مقارنات أو التطبيل .. أو الانتقادات .. فـ لذلك يمشي اياهم حبه حبه أفضل .. مع اعطاءهم في نفس الوقت الثقه اللازمه ..
مارك كروساس .. يكمل مسلسل مدرسة البارسا .. فـ بعد فابريقاس .. وأيضا ميريدا ( اثنينهم في الأرسنال ) .. يأتي مارك كروساس كأحدث انتاج في خط الوسط .. مركزه يحتاج خبره أكثر عشان يبدع فيه .. ولهذا ريكارد قاعد يمشي اياه حبه حبه ويدخله من سنتين في اعدادات الفريق وفي مباريات الكأوس وفي مباريات كأس كاتالونيا .. وبوجود ديكو وتشافي وانييستا .. صعب نشوف هاللاعب .. وممكن الشي يطول وياخد له 3 سنين أو سنتين .. ونشوفه مثل مانشوف انييستا حاليا .. لأنه مركزه محجوز الى أسماء كبيره ..
الموسم القادم ممكن تكون الى مارك كروساس دقائق أكثر .. مع احتمالية رحيل ادميلسون .. وممكن تورام ( اعتقد ينتهي عقده السنه الجايه - بس عودنا البارسا انه الا يقدم مستوى جيد يجددو عقده - خصوصا انه خبره ) .. فـ ممكن يصير اله مكان في خط المحور كاحتياطي ..
=====
وطبعا فيه مواهب كثييييييييييره حاليا قاعده تنطبخ على نار هادئه مع بيب قوارديولا .. وخاصه المهاجم فاسكيز .. ولاعب الوسط ديماس .. وفي محور يشبهوه ببويول لأنه مقاتل في الملعب .. وقاي اوسيلين الاسرائيلي .. وتياقو الكانترا الا ممكن يكون خليفة ديكو مستقبلا ..
ولهذا السؤال الا يطرح نفسه .. مواهب مدرسة البارسا نعمه أم نقمه ؟ !!
لما نشوف مستوى مدافع المان يونايتد جيرارد بيكي ( ياليته بدال أوليقير ) .. وفي مهاجم مؤخرا انتقل الى ليفربول .. الا المفروض يكون البارسا أولى بهم ..
ولما نشوف مواهب زي فابريقاس وميريدا أو أرتيتا في خط الوسط .. يتحسف على انهم طلعوا .. لكن في نفس الوقت لو فكرنا فيها لو جلسوا في النادي .. بيلقوا ليهم مركز .. وهل بيكونو قادرين على تطوير مستواهم ؟ .. وهل كنا بنشوف توريه .. أو بيكون ديكو موجود مع الفريق .. او انييستا بيكون بمستواه الحالي ..
مستحيل كل خريج الى هالمدرسه يلعب مع الفريق .. لكن فيه مواهب حرام نخسرها ..
وأعتقد سياسة النادي .. تدور الأفضل للاعبين .. وأيضا الأفضل لاستقرار النادي ..
في هالحاله أعتقد والمفترض انه يكون المستفيد الأول والأخير منتخب اسبانيا .. لكن حسافه عن جد ..
|
