نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي الظهران · #9 06/10/2007, 11:49 PM

يالله عاد اصحاب الدفعه يدخلون المكتب رقم 37 وان شاء الله بيلقون ملفاتهم جاهزه

..

اما اصحاب الدفعه التاليه فليحفظوا هذا الرقم عن ظهر قلب48 .. ولاينسونه لاني برد عليهم خلال ساعات باذن الله بعد بريك السحور ان شاء الله

..

وش تبون بعد حجزنالكم بدرجة رجال الاعمال

..

=.=.=.=.=.=.=.=.=.=.=.

وهذا باااااااااااااك مثل ماوعدتكم انه عقب السحور

.. ايه عقب السحور مادام انه قبل الفطور

..

بسم الله..

بلد الوليد

حياك الله اخوي ابو الوليد << يحسب اسمك بلد

<< والنعم والله

ياخي العزيز والله يشرفني ان مثلك وشرواك (شرواك=فياض

) يرجعون لخنبقتي.. صدقا صدقا تعطون الواحد انه مايتوقف.. الله لايخليني منكم..

إقتباس


	مدري كيف ارد اسوي مثل الشعب اقتباس واعلق ولا ادندر شكل الدعوا دندره بما انك طريت السوالف عز الله نشبت فيني

والله يازين النشبات ان كانت مثلك و...(<<خايف يقول شرواك

) ..

ياخي علق بالطريقه اللي تريحك وابشر باللي يرد على طريقتك..

إقتباس


	الحين بالله هذي مقدمه الحين موضوع كامل يقولي مقدمه اليوم متغير اسلوبك شوي العاده تحط مدخل بعدين مدخل بعدين مدخل في الاخير يخلص الموضوع وحنا ما دخلنا قاعدين عند الباب بعدين ماذا نستفيد ولا تراك كنت تقول الي عنده دايل اب يفصل السلك <-- خبره هلالي الظهران

خخخخخخخخخخخخخخخخخخخ الله يسعدك ياشيخ..

والله اذا كنت رايق وصقعتها قصه لازم مقدمات وتمهيد.. اما اذا صارت صف حكي مثل هالموضوع مايحتاج لانه توارد خواطر واللي بالدمجه ينزل كما هو..

اما الدايل اب عاد استحي اقوله لايعايرون الشباب بعدين

..

إقتباس


	الظاهر انك ما تعرفني بس اسال الشباب ويعلمونك <-- عضو مغبر وماله الا كم مشاركه بس الماسنجر مدهر مع العيال

ولو فيصل افندم.. المعروف لايعرف..

وحياك الله من ملفاك لمقفاك

..

لاتحرمني هالطله.. لاعدمتك..

abo sager

حي الله حبيبنا ابو صقر.. مراحب بالاضافه الكبيره للمجلس..

إقتباس


	هي حمامات المسجد وبس؟ حمامات المدارس والجامعات وكل حمامات عامة بالسعودية.. بالسعودية! يمكن المساجد يفترض تكون الأنظف لقدسية ما تتبع.. لكن! الله يلطف بحالنا..

والله يابعدي انك ماكذبت.. للاسف اننا وبكل اسى اقولها شعب أناااااااني.. يعني انا ومن بعدي الطوفان..

ياخي اللي يقهر ان الناس مستحيل تسوي كذا ببيوتهم بس ماينلامون اذا الرووس الكبيره مااهتمت بالاشياء الاساسيه لاتتوقع شي من الناس.. للاسف حنا ملينا الدنيا بالكلام عن الوطنيه وللاسف كله كلام والسلام.. اما وقت الفعل ماتشوف الا الضعوي.. اذا ابسط الامور مافلحنا فيها شلون على الاصعب؟!!!

اخاف اقول شعب متخلف يزعلون ربعنا

.. ياخي حتى صناديق هالبريد الجديده اللي تو مركبينها تلقاها عن بكرة أبيها مكسره.. طيب ليه هالهمجيه؟!!

ابو صقر .. حياك الله يابعدي ..

وتواجدك يكفيني وشرف لي متابعتك ياخلفهم..

لاعدمتك..

المشاكس

حيا الله المشاكس عبيط.. عسى ماشر وين طسيت ياالفاهر .. خلاص قبضتوا المعلوم ولاعاد لكم شوفه.. الله يالدنيا وش تسوين.. شف حال الفريق مع مدرب الغفله نيبوشا زمانه

..

إقتباس


	هلا ابو الدرداء .. حقيقة .. موضوع يبين مدى التمحور حول الذات <<< القاضي متلطم .. ويزيد من مدى استئجار الامكانيات والقدرات لبناء مجتمع متين .. ويستأجر ايضا <<< بعقد ايجار غير العقد الاول ولإخلاء المسؤولية جرى التنبيه .. يستأجر ايضا الايدي العاملة لبناء مجتمع صالح يقوم على ما يقوم عليه التطور والتقدم الذي طالما وقف مع الشباب الذين تمردوا على انفسهم وحققوا مالم يكن في الحسبان في الاطر التقليدية والاجراءات الاستشارية والاستثمارية في ظل محاولات سابقة بالانضمام تحت لواء الاقتصاد العالمي الذي يزيد من فرص النجاح ..

هيا خذ.. بعدين يزعلون ويقولون ليش ماترد علينا

.. شوفوا هالعينات بالله وش ارد عليه واقول.. مااقول الا يازينك وانت واقف بس

..

والله لو انك عضو بمنظمة التجاره العالميه ماطلع منك هالكلام ياأرسطو زمانك

..

تدري انا وش جالس اسوي؟!
احاول ارد بعدد اسطر مقاربه لعدد اسطرك حتى يصير توازن .. والا الجد يبيلك تسطير انت ووجهك

..

طيب يا ياأخ .. ماتلاحظ معي ان الانضمام للاقتصاد العالمي يحتاج أدلجه لمفاهيم البث الانتروبولجي المساهم في دمج اللاوعي الانساني مع جمود الاله بالاضافه الى بلورة كاريزما الاقتصاد لنحصل على ناتج منطقي من اكل الكبسه على السحور؟

إقتباس


	وانا من هذا المنبر .. اعلن التحدي .. ان اي واحد فاهم شيء من الكلام اللي فوق .. وهذاكله من بابا سهل كنا نحجز بكلمة ... وهالحين نهذر ساعة عشان نحجز المكان ..

وانا من منبري هذا اببلغ على مشاركه مخالفه لبابا سهل علشان تعرف مره ثانيه كيف تنظم للمنظمه الدوليه لمكافحة السرطان

.

إقتباس


	لي عودة .. انتظرني على احر من الجمر .. بالعربي ابيك تبات ساهر .. ولو قدرت تبات واقف لا توفر ..

يارجال خل المهايط.. الجمر رمد والشاهي برد وانا احتريك

..

صديقي انا بالانتظار..

لاعدمتش سأقتلش

..

سكب الهلال

حياالله خوينا سكبكب.. حيا الله راعي صامطه..

المهم.. انا الانتظار جاب فايده..

لاعدمتش سأقتلش..

هامور البورصه

حياالله راعي البورصه.. حيا الله طارق.. حياالله الواصل

..

والله مدري وينك.. هم موقفينك ولا انت منحاش من الطفل الكبير..

إقتباس


	وش هالحركاات من متى صاارت جدي يااخي موضوعك هذا يضيق صدر من جد مدري شعلق عليه والله يا عمر اني امس راايح افطر عند وااحد وموقف عند الاشااره وشغلت خضراء ابي امشي ما قدرت من هالي يقطعوون الاشااره وتشتغل حمراء ثمن تشتغل خضراء ويالله قدرت امشي مع ان الاشااره لي انا الي جد مهوب داااخل رااسي الشاارع ثلاث مساراات كيف صاار ست مساراات بس مع السعوودين كل شي جااايز

جدي؟!!!

من جدك انت.. يعني لازم اقول على تبن يصير هبال..

اما سالفة الاشاره هذا لانك رخمه وجبان << قلب ع الرجال

والله الظاهر وانا اخوك ان الجوع لاعب بحسبتك وانت عند الاشاره او انك عقب ماطفحت ماصرت تركز ابد

..

إقتباس


	طيب عمر ماساالت نفسك انا الحين اقول كذا وانت تقول كذا وكل ماقعدنا بمجلس وفتحنا هالموضوع قمنا نقول تخلف تخلف اجل على كذا منهم الي يخاالفون النظاام يعني اكيد ان حنا بعد مثلهم همجين ونخالف النظام

صادق.. ولهذا المفروض كلن يبدى بنفسه واللي حوله .. يعني مثلا بعطيك نصيحه.. اذا كنت راكب مع الوالد وهو يسوق وقطع الاشاره حتى لو انها صفراء .. ارفع الجوال ودق على المرور وبلغ عليه << يحلفون بالله ان ماعاد نشوفك هنا

إقتباس


	اما على طااري دورات الميااة اسكت بس اقسم بالله تلااقي في الحمام وانت بكراامه انوااع البلااااوي والوسااخاات قسم بالله لو تتنفس تشرق من الريحه والمشكله مهوب من الي يدخلون الحمام الى وين هالي ينظف دورات الميااة المفرووض كل بعد صلاة الهندي يجي ينظف الحمامات وش عنده !!

الله اكبر!!!

انت ترضى تنظف وساخة غيرك؟!!

شف وانا اخوك (الهندي) على قولتك شغلته يشطف الحمام ويوفر الاغراض اللازمه .. اما سالفة ان كل واحد يدخل الحمام ويطلع ويجي هالضعيف ينظف من وراه.. ليه هالاستحقار؟!

إقتباس


	مره في برناامج شباب برناامج حلو مره يجي قبل الفطور المقدم رااح ونظف حمامات مسجد وحط مناديل وصابوون يقول اكثر شي قهررررني اني يوم دخلت حمامات المسجد لقيتها وسسسسخه مره ويوم دخلت حمامات الفندق لقيتها تلق لق

اييه يابعدي.. شف العينات اللي تدخل المسجد بس ماتقدر تدخل الفندق وتعرف السبب .. صدقني لو تجيب نفس الستاف حق الفندق انهم يعجزون يخلون حمام المسجد مثل حمام الفندق

..

[Q2UOTE]
قبل فتره كنا بدبي وكنا طالعين من دبي لبو ظبي ووقفنا في محطه نتعشاء ونشتري اغرااض

المحطه تفتح النفس فيها تموينات كبر بنده عندنا وفيها مااك مهوب بوفيه وبخااري عندنا

عااد وااحد من العيال قال بروح الحمام يووم دخلها قاال يعيال روحوو انتو وانا بنووم فيها

يقول حماماتهم تفتح النفس ريحتها زينه وبرااد وفلله مهوب الي عندنا خياااس وريحه
[/QUOTE]

صادق خويك .. بالعكس احس انه ظلمها بالوصف.. انا داخلها.. قسم بالله حمامات نظيييييفه وكشخه .. حتى المغاسل البزابيز فيها تحط يدك وهي تنزل وحنا عندنا هالحركه في اكشخ الاماكن بس.. هذا غير اماكن الوضوء اللي ودك تتروش فيها.. اما المسجد كوم ثاني.. براد وعطر وبخور ودك ترقد فيه.. اخ بس وش اقول وش اخلي

..

حياك الله طروق .. منور يالاطخم..

واذا فكوا عن التوقيف تعال كمل بربرتك

..

خلك شديد .. السجن للرجاجيل..

غلاهم وماخذه حلاهم

بالانتظار ياحقرص بقرص

..

abu_riman

حيا الله المفكر.. حياك الله ابو ريمان..

إقتباس


	أعتقد أن الوضع الحالي للبيت الحرام يحتاج إلى إعادة نظر خصوصاً و أن العشر سنوات القادمة رمضان سيكون فيها إجازة . حالياً معهد أبحاث الحج يدرس فكرة منع غير المحرمين من الطواف خلال أوقات الذروة ، أيضاً خادم الحرمين وجه بعدم سماع أي شكوى ضد قرارات نزع الملكية في أراضي الحرمين كما وجه بعدم تلقي أي مطالبات غير مدعومة بصكوك شرعية صريحة كحجج الاستحكام و غيرها .

والله يابو ريمان الصراحه مالي اطلاع بهالموضوع .. بس ان شاء الله يلقون حلول تناسب الازمه.. الا ورا ما يأمرون بازالة سور الصين العظيم(رمادي اللون) وماخلفه ويسمحون للمصلين باداء الصلاه فيه

.. بكذا بتوفر مساحة كبيره بتمكن لايقل عن نصف مليون مصلي اضافي!!

إقتباس


	خلال عمرتي كنت أسأل نفسي لماذا لا يتم منع غير المحرم من دخول المسعى ؟! الناس يصلون في المسعى و لا يسمحون للمعتمرين بالقيام بمناسك عمرتهم . المعهد يدرس منع دخوله للطواف و المسعى أولى . كل ما تحكي عنه يا عمر رأيناه في أول خميس و جمعة في الشهر !! في أول جمعة في رمضان تجاوز عدد المصلين المليونين !! اللهم تقبل .

اولا.. تقبل الله منكم صالح الاعمال وان شاء الله مانسيتونا بدعائكم.. ثانيا: مادام عندهم معهد يدرسون فيه ياليت احد يقترح عليهم يجبرون راعين العربات يقضبون مسارهم في المسعى ولا يطلعون مع المشاه.. اعنبوا ابليسهم كعوب رجليني تنتفت

..

إقتباس


	عمر نحن نتابع حرفاً حرفاً ، و الآن بعد إذنك وقت السحور .

ياخي وانا انتظر تعقيباتك بعد كل اضافه قسما.. الله لايخليني دايم ردودك فيها اضافه جديده..

حياك الله ابو ريمان .. وأمانه وصل سلامي لخالك القطوع

..

لاعدمتك ابو ريم وريم

..

التميميه

حيا الله تمتم .. شلونك وشلون الاهل بمنزل ماربل << مهوب هذا حق ساندي بل؟

تميميه تكفين تصميم الكتاب عليك

..

إقتباس


	والله ياعندنا سواق مجنون,,الله يكفينا شره بس,, كم مره بغينا نسوي حادث من مساقطه على خلق الله,, لدرجة اني حطيت ورقه في بوكي,, كتبت فيها اسمي وفصيلة الدم,,ورقم أمي وأبوي,,!! <<على بالي الإسعاف بيجون قبل لا أفطس,,<<بسم الله علي,, الله يأخذ بليسك من سواق,,كانك معيشن برعب,,

خيييييييييييير!!! طيب ورا ماتطيرونه؟!

والله ياوخيتي الزم ماعلى الواحد حياته وحياة عياله..

بعدين ناقصين حنا مهبول بعد! مايكفي عندنا الشياب وعندنا المراهقين وعندنا راعيين الليموزينات وعندنا باصات (الروضه9 التحليه) والحين عندنا السواويق بعد

.. والله الواحد يجلس ببيته اصرف

..

بعدين اذا صار عليك الحادث علميني قبل علشان اجي واسرق جوالك وبوكك

<< بسم الله عليك << مو بناقص مناحله

إقتباس


	بالنسبه للهمجيه,,بصراحه شي يرفع الضغط,,!! أول كنا نعتقد ان قلة الوعي هي السبب,, لكن للأسف,,البعض متعلمين,,وتصدر منهم تصرفات,,!! والسبب,,لأن الممتلكات عامه,, ماخسروا فيها شي,,!! لو كل واحد يحس ان كل شي في هالبلد,,ملكه الشخصي,, ويتعامل معه على هالأساس,, وقبل كل شي ,,يخاف الله,,كان ماشفنا اللي شفناه,, بس وش تقول,,الله المستعان,,!!

صادقه والله.. وهذا اللي جالس اقوله للاخوان من الصبح.. يعني المشكله يعرفون ان تصرفهم غلط ومع كذا يسوونه!! وطبعا تصرفات الافراد مرتبطه بتصرفات اللي اكبر منهم وكلن على مستواه!

إقتباس


	الظهراني,,هرطقه متابعه,,وستتابع بإذن الله,, الا على فكرة,,تدري ليه التاريخ قاص شعره كاريه,,!!<<(أنا أفهم بس,,من وين جبت هالقصه,,ياااااقدمك,,!) ببساطه,,لأن الجغرافيا قص شعره أسد,,<<لاااااا يالجديده,, يمال العافيه,,

ههههههههههههههههههههههههههههههههههههههههههههه

الله يبارك فيك ولايخليني من متابعتك.. اساسا اي موضوع ومايكون لك تواجد فيه يعتبر ناقص

..

اما قصة الكاريه والله ادري انها قديمه بس لزوم الشباب يفهمون بالاضافه حتى يتناسب مع تركيب الجمله .. تخيلي "التاريخ يقص شعره فراوله" .. احسه ماسخ بالاضافه ان واجد مابيفهمون الموضوع

..

حياك الله التميميه .. ولاعدمتك..

ايييييييييييه ناخذ بريك الحين ..حان وقت الافطار

البقيه ان شاء الله دوركم باللفه الثالثه .. بس وش رايكم ارد ولا اضيف فقره جديده؟؟

تفطرون على خير..