إقتباس طيب يا ابو وضع استثنائي مباراة الاتحاد النهائي وين الهجوم ومباراة الاهلي كاس ولي العهد

يا حبيبي، يا عيوني، أنت ما تشوف ياسر في المنتخب، و لا شفت وش سوى الصويلح في مباراة نجران مع انه ما قد لعب، و يجيك ناس يقولون ياسر المنتخب غير ياسر الهلال، طبعا ياسر المنتخب غير ياسر الهلال، ما جبتوا جديد، ياسر المنتخب مبدع و فنان و كابتن و أحسن لاعب في الملعب، لكن ياسر الهلال غايب، طبعا هذا الكلام يقوله الأعمى، لكن اللي مفتح شوي بس يقول أكيد فيه سبب لغياب ياسر الهلال، و اذا فتح عيونه أكثر راح يشوف السبب بوضوح و هو دفاعات الفريق اللي تجبر الفريق بأكمله على التراجع، و كذلك خط المنتصف في الفريق اللي صار يعتمد على لاعب واحد.
أرجع لكلامك و اقول:
ياسر في النهائي كان مصاب، و اسأل محمد بن فيصل، و انا ازيدك من الشعر بيت، حتى لو لم يكن مصاب ما راح يقدم شي، لأنه مستحيل تطالب لاعب واحد يواجه فريق كامل. في مباراة النهائي كان الكل يدافع عشان الدفاع ما كان يقدر يقوم بمهامه، و كان وضعنا مزري جدا، و مع ذلك ما تعدل شي و خسرنا الآسيوية. يا حبيبي الهجوم مجربينه و خابرينه، أما الدفاع فحتى لو ظهر بشكل جيد بالمباريات الضعيفة فياسرع و يا كثر ما ينكشف قدام الفرق القوية.

أرجو أن أكون اقنعتك