| قصدك ياسر يختفي في النهائي مو المباريات الحاسمه
عالعموم .... ياسر اذا كانت المباراة كبيره وحجمها كبير نلاحظ عليه انه يخاف ويرتبك
اما المباريات العاديه يدخل ويلعب بشكل طبيعي بدون اي خوف او ارتباك
ولا تنسى ...
ياسر مسجل هدف حساس في مباراتنا مع تونس في كاس العالم
وهداف المنتخب السعودي في البطوله الخليجيه وهي اللي اهلنا للدور الثاني
وحتى حصل على هداف البطوله الاسيويه الاخيره .. والمنتخب وصل للنهائي بقيادته
واذا كنت ناسي البطولتين اللي جابها ياسر قبل لا يجي للهلال ايام ما كان في القادسيه
في اول مشاركاته مع المنتخب جاب لنا بطولة كاس الخليج وكاس العرب
وحتى سجل اهداف في تصفيات كاس العالم .. وغيره اهداف واهداف حاسمه وتاريخيه
وحتى مع الهلال نشوفه يحسم لنا مباريات وياهلنا للنهائيات
اذا كنت ناسي اخر مباراة لعبها وحسم لنا نقاطها اللي سهلت لنا التاهل في الدور الثاني من البطوله الخليجيه للانديه بعد ما دخل للمباراة وقلب النتيجه
وحتى شفناه قبل في الدوري يقلب النتيجه مع الاتفاق في الدور الثاني مباراة الاياب من خساره لفوز وكلها اهداف من اقدام ياسر
ويسجل اهداف كثيره وتاريخيه ومستحيل واحد يعرف ياسر ينسى اهدافه مثل هدف الكعب والبلياردو او التمشي واهداف كثيره اهمها هدفه مع فالنسيا في اعتزال الثنيان .. وحتى ياسر كان مسجل هدف عالدعيع
يعني لو ترجع لورا شوي وتتابع مباريات ياسر وتشوف اهدافه خطوه بخطوه كان ما قلت هالكلام وغيرت رايك بان ياسر مهم في الفريق .. واكبر دليل مباراة النهائي مع الاتحاد بعد ما طلع تحررو الدفاع وتقدمو وسجلو اهداف
وياسر اذا حضر تقريبا الفريق كله حاضر واذا غاب يغيب الفريق .. وخير دليل مباراة نهائي كاس اسيا ما شفنا ياسر والمنتخب كله ما شفناه .. وحتى مباراة الوحده بعد ما ضيع البلنتي تحطم والفريق كله اختفى الا بنهاية الدقايق التايب انقذنا .. وحتى مع نجران كان مشتت فكره ولا يقدر يسوي شي لكن الصويلح حاول في اخر الدقايق بتقليص النتيجه
وغلطان لكل من يقول ان ياسر مو لاعب مهم ... ياسر اهم لاعب في الفريق في كل المباريات  | 