صباح الخيرااات،،


____________________________________


f*y*d


ياهلا والله وغلا فيك وصباحك فياض بالوناسه

إقتباس بالنسبة للخبر فــ ثق تماماً بأنّك لحست مخي بالأرقام

إقتباس بالنسبة للموضوع ثق تماماً انك مفهي قصدي انا مفهي

والله ياأخي ثق تماماً ان الارقام ما فيها أي اختراع علماً بأنها موثقه من شخص ثقه يثق الناس به تمام الثقه لا وساكن بثادق بعد

إقتباس ياخي ان شطحت اشطح شطحة حلوة قال 9 مليار قال

يقولون اذا سرقت فاسرق جَمل


تشكرااات يا حبيبنا الشايب

____________________________________


القيصر بكنباور


الله يحييك ويبقيك ياغالي،،

إقتباس أنا أعتقد يمكن هذا الشي يحصل . . وهو أن كل أسرة تاخذ 4500 ريال . . لاكن بشرط . . وهو أن جميع الناس يدفعون الزكاة . .

صدقت اخوي وهي فعلاً نقطه هامه، ومثل ما تفضلت التجار عندنا عددهم كبير ما شاء الله تبارك وأرصدت بعضهم بمئات الملايين ، ولو حرص جميعهم على أداء الزكاة ووضعها في مكانها الصحيح لما بقي بيننا فقير !


الله يعافيك وتشكرااتي لمشاركتك

____________________________________


عسيريه


هلا وسهلا فيك،،

إقتباس ياناس لاتغلطون مره ثانيه بالأخبار الهاوي قام يتفلسف علينا

ماتفلفست ولا هم يحزنون بعدين مثل هالاخطاء زينه وتخلي الواحد يتخيل أشياء مليحه، لذلك اغلطوا بالارقام وخلونا نستانس

إقتباس لاحول ولا قوة الا بالله العلي العظيم .. حتى 4500 وش تسوي هالأيام والله ماتسوي ولا شي

بعض الفقراء وانا اخوك ما قد شاف الـ 500 ريال !! ومبلغ مثل هذا قد يكون بالنسبه له كنز وتسوي كثير عموماً حنا نطمح أن يقدم لهم ولو ثلث هالمبلغ !!


الله يسلمك ويوفقك وتشكرااتي لمشاركتك

____________________________________


ابوهشام


الله يحييك ويبقيك ياغالي،،

إقتباس أنا اذكر ان اللي يصوم ينقص علشانه جوعان بس ما يزود بس باين ان اخوي كل الفن هلالي راحمهم ويبي يتبرع لهم من دون ما أحد يدري بس أنت كشفته وراح الأجر عليه

اخوي كل الفن سجل عندك هذا واحد من الشله اللي قلت عنهم وقصده يدب الفتنه ويشعل فتيل الطرطعان!!

إقتباس وأذكر معلومه بسيطه قمنا بحسابها أنا والوالد الله يشفيه ويحفظه لمعرفة مقدار الفرق بين المليون والمليار.. لذلك بوضحها بالوقت علشان تحسون بالفرق.. (مليون ثانيه = 12 يوم).....................................( مليار ثانيه = تقريبا 32 سنه بس )

أسأل الله العلي القدير أن يشفي والدك ويحفظه من كل مكروه،،

أما المعلومه فمتعوب عليها وتبين سعة الفارق بين الرقمين


تشكرااتي لمشاركتك

____________________________________


جاني انشغال!! ابقضيه وراجع بعد قريب ان الله أراد