حنا مجموعة شباب باستراحه بموقع على كيف كيفك
والشباب روعه ان بغيت ضحك فيه ان بغيت واسطه
موجود ان بغيت كوره فيه ان بغيت ورقه فيه تبى شاهى عندنا
هذا تخصص (ابو نواف) اللى تبى فيه (الا ما حرم الله)
مشكلتنا الوحيده بالعامل عجزنا نلقى عامل يصبر معنا
ماهو لشئ بس كل ما سلك معنا عامل وانبسطنا منه
وريحنا يطلب زياده براتبه وهذا من حقه (قايم على خدمة عشرين واحد)
الشباب الله يهديهم يقولون هذا يتغلى شوفوا غيره
ورح دور على غيره والله من واحد وواحد جانا يعل الكبد
اللى مريض واللى كسول واللى يبى اكل خاص واللى مهوب مسلم واللى
دايم قدام التلفزيون المهم وفقنا الله بعامل لك عليه بس يمشى الحال.
الهـــــــــــــــــــــــــــــــــــــــــــــــــــــــــــــــــــــلال
كل ماجاء مدرب ونجح مع الهلا ل وسوى شئ طلب زياده
قالوا هذا يستغل الموقف غيروه ورح دور على مدرب
واللاعب الاجنبى نفس الطريقه كم لاعب راح على الهلال
من دى سانتوس الى سيرجيو الى توليو الى ادميلسون
والقائمه تطول والسبب ما نبغى نزيد له الراتب ليش
ما انت راح تدور على لاعب وتجربه وتخسره وانت لو عطيتها اللى عندك
كان ارتحت بس الشكوى لله ما بالدار احد
واللى خلانى اكتب هالموضوع يوم الهلال يطرد وراء سيرجيو
ولو قال امين (النفى ) غير كذا مهوب صحيح
لان اى شئ ينفيه صحيح وعلى مسئوليتى
يا هلاليين انتبهوا لناديكم وحافظوا على الزين ترى ان رحتو تدورون تتعبون وحنا
ننغث
الله يوفقكم لما فيه صالح الزعيم