مقدمة " " بحيــــل اللي ما تنـــــام عينـــــــه , متأهلين , متأهليــن " "

أولا : مبروك للاتحاد ... وعقبالنا

ثانيا : ما أصدق اللي قريته في المنتدى بعد مباراة اليوم مع الاتحاد...... وكأني قاعد أقرى في منتدى لنادي اخر غير الزعيــــــم ... أنا أشوف أن أي جمهور لاي نادي ثاني ممكــن يفقد الثقة بالنفس وبفريقه , ماعدا جمهور الازرق ...... كل هذا مهو ( اعتباطـــا ولا فلسفـــة ) , ولكن بالاستناد على ماضي الزعيم المشرف على مستوى أسيا ......بس تذكروا أن الهلال جاب التأهل في ظروف مماثلة قبل كم سنة يوم خسر المباراة الاولى ( الكلام هذا في بيروت ) ... وبعدين لحق الفريق البطل الغالي سامي الجابر بعد ماكان يلعب مباراة ودية دولية مع المنتخب ضد ألمانيا الساعة 9 مساء في الرياض ..... وفي نص الليل وهو محضر في بيروت ...... وفي المباراة الاخيرة وبرضه مع المستضيف فاز الهلال وسجل سامي الجابر .

ثالثا : انسوا المباراتيين السابقتين ونتيجتهما ,,, وافترضوا أن الهلال تأهل الى نهائي بطولـــة مـــــا بعد بكرا وسيلعب مع المستضيف بيروزي على أرض ( استراحة آزادي للايجار اليومي بطهران ) ,,,,, ما يقدر الهلال يفوز ؟؟؟؟؟ أنا أشوف انه سهل وياما وياما وياما ,,,,,, حققنا من بطولات وان شاء الله الفوز بعد بكرا سيؤهلنا لان نزيد عدد البطولات الزرقاء " قولوا آميـــــــــن " .

رابعا : لاتعطون أي فرصة للي أنتم خابرين في أن يشمتوا في الزعيم الاول ,,, لانهم بالتأكيد بدأوا في الترويج والحديث عن مستقبل الازرق ,,,,, 7 مباريات فوز ثم تعادل واليوم خسارة ....... فماذا عن مستقبل الفريق اللي ما يخليهم ينامون الليل,, ولا يغمض لهم جفن حتى يخسر ؟؟؟؟؟؟ سؤال ماله الا اجابتين :
1 - المطالبة بابعاد الفاشل اللي ماله اي سجل شرف وهو المدرب / صفوت , والتعاقد مع مدرب عالمي ما أن يصل الى حي العريجاء ويحقق كم فوز ثم يقدر الله أن يخسر الفريق حتى يمسكونـــــه طريـــق المطار ( تذكروا كم فلتة تدريبية خسرناها بسبب هذا العقلية المتعجلة و المطفوقة ) ..........كما أيضا سيطالبون بابعاد المنتهي والفاشل فهد المصيبيح ..... والمطالبة باشراك بعض اللاعبيين اللي يعرفونهم كأساسيين حتو لو على حســــاب لاعبين أفضل منهم,,,( هاه عرفتوهم )
2 - الاجابة الثانية " اجابة العاقلين كما أعتقد " هي افتراض ان الفريق لم يخسر - مع العلم ان الخسارة مهي عيب - ,,,, والتركيز على المباراة الاخيرة الدورية مع بيروزي وبحول اللي ما تنام عينه فأن اللي خلى كورة الجمعان تمر جنب العارضة , راح يخليها تشقق شباك ( أحمد رضا عبد زادة ) .... ويرجع الازرق ببطاقة التأهل ويكمل المشوار محليا ,,,,,,,, الى أن نصل الى تشريف الكرة السعودية في أسبانيا بقيادة المدرب الرائع / صفوت ............< ما فيه وقت للتغيير > .

خاتمة : برضه " " بحيــــل اللي ما تنـــــام عينـــــــه , متأهلين , متأهليــن " "