الله يرج ابليسك <<<<يقالها تمون
كل هذا وما فيه اكشن<<<<<تسمعين بالاكشن انتي

إقتباس بكل صراحة .. كنت شايل هم هذا اليوم من بداية ما تم اختياره لي .. لأني أعرف أن يومي ممل وما فيه أي أكشن أو أحداث مهمة عشان كذا كنت أخطط في الأيام الماضية في صناعة أكشن بالذهاب لكل شارع في الشرقية كودني ألقى لي شيخ جليل صدزي أو ألقى أحد بيموت من العطش وأقوم أنقذه وأجي أهايط عندكم بس للأسف كل هالتخطيط راح على الفاضي .. لا تقولون ليش... شوفوا اليومية وأنتوا منثبرين

اهم شي الصراحه


بسم الله انبثرنا

إقتباس من صلاة الفجر حتى أذان الظهر: بعد ما صليت الفجر في المسجد .. رجعت وفتحت الماسنجر شوي .. ثم انسدحت على سريري العزيز ونمت..!! قمت الساعة 8 بالضبط لأني قررت أداوم اليوم غسلت وجهي ونظفت أسناني ولبست ثوبي وشماغي وطلعت المفتاح من جيبي وشلته بيدي اليمين ودخلته بالباب ثم طلعت وقفلت الباب وطلعت المفتاح من الباب وحطيته بجيبي <<< قلتوا له بالتفصيل الممل المهم .. داومت اليوم وخلصت كل محاضراتي .. وما حصل أي شي فيها .. لأني كنت ناسي أن اليوم هو 10 رمضان لو كنت أدري .. كان على الأقل هايطت شوي على الدكتور أو استهبلت عليه .. بس راحت علي أذن الظهر ورجعت لغرفتي بالجامعة .. وجسدي مرهق من صلاة الظهر حتى أذان العصر: من التعب صليت الظهر بالغرفة ثم انقضضت على السرير ونمت نوم العوافي ..!!

يومك من الفجر للظهر ما بوه اكشن مثل يوم اي مواطن سعودي

نت => دراسه=>استهبال على خلق الله=>نوم
بس انت ما استهبلت انجاااااااز<<< مو قاصد انه ما يستهبل

إقتباس حسيت وأنا نايم أن فيه أحد في حاجة إلى مساعدتي فنهضت أشوف وش يبي هالقلق؟

وش عنده سبايدر مان

إقتباس ما شفت أحد عندي.. فتحت المسن على طول لقيت عضو من المنتدى يسلم علي ويسألني عن عضو ثاني هل هو متصل أو لا .!! يالله عصر خيير .. ناظرت هالعضو لقيته متصل .. وعلمت الأول بأنه متصل ..!! طلع الثاني صاك الأول بلوك وابتلشت أنا بينهم .. لأنه يبيني أسوي بينهم محادثة جماعية وأنا رافض حتى يأذن لي الثاني .. والثاني رافض..!! واستمرت مفاوضات كامب ديفيد حول ساعة لين فهمت السالفة من كل واحد.. تذكرت وقتها أن اليوم 10 رمضان .. فرحت لأن فيه أكشن ومشاكل حسيت نفسي محكمة دولية لفض النزاعات .. فقمت أتغلى شوي عليهم رحت صليت وتعمدت أتأخر شوي عشان ما يتصالحون بسرعة بعد ما رجعت لهم وحسيت أني عطيتهم وجه زيادة .. حطيت لهم محادثة جماعية بالغصب .. وخليتهم يتفاهمون الله يخسهم بصراحة مشكلتهم كبيرة وصعب حلها .. لأن سبب المشكلة بسيط وماله داعي .. بس أنا حاولت أولعها شوي لزوم الأكشن .. بس الحمد لله ما طلعت من عندهم إلا والمشكلة انتهت .. << والله لو ما قرب أذان المغرب عندنا كان مددت الوقت لأشواط إضافية

تصدق عاد لو انك قايل وش بينهم كان صار اكشنين مو اكشن واحد<<<الا بتسحب عليك
الا ليه متهاوشين؟؟؟

إقتباس رحت عند العيال بالغرفة .. وكان الفطور جاهز بس ناقصه السمبوسة

حرااااام فطرت بدون سمبوسه

إقتباس اتصل مباشرة الملحوس هامور البورصة وقعد يضحك من أول المكالمة لآخرها .. فرحت حسبت الولد انهبل وراحت شوية المخ اللي براسه ... لكن طلع الملحوس مضيع في يومه..!! يقول أن اليوم يومه هو موب يومي قلت يا أخي اليوم 10 يعني يومي .. قال ايه أنا 9 يعني يومي يصير اليوم حاولت أفهم هالملحوس أن يومه هو يوم الجمعة وأنا يوم السبت وأن توقيت نزول الموضوع ماله دخل بتاريخ اليوم .. لكن الملحوس واصل ضحكه وقاعد يقول لي والله أنك ملحوس

إقتباس - وصلتني رسالة اعجاب من رقم غريب بصراحة الشيطان نغزني ووسوس لي عشان أدق على هالرقم لأن احساس شيطاني يقول أنها رسالة من بنت ... بس ضميري يقول حرام عليك اترك الخرفنة في رمضان لكن شيطاني الخبيث أقنعني أنها خرفنة إسلامية وأني بس أبي أتأكد من صاحب الرقم يمكن يطلع غلطان ولا شي وهو ما يدري المسكين المهم دقيت على الرقم .. لقيته مقفل .. ثم جاتني رسالة حب ثانية من رقم ثاني ... من غير ما أكمل الرسالة دقيت على الرقم على طول قبل ما يبدأ ابليسي وسوسته فقعد يقول: علمناهم الخرفنة سبقونا على الجوالات دقيت على الرقم : لأتفاجأ بصوت ماجد مقبل اللي حطمني 180 درجة قعد أبومقبل يضحك علي ويقول : جريتك جريتك صح؟ من القهر قمت أصرف الموضوع لموضوع الاستراحة

إقتباس واعذروني على اليومية إذا ما أعجبتكم .. عاد وش أسوي لكم .. الشرهة على اللي يعطيكم شي من خصوصياته

بالعكس يوميات حلوه يعطيك العافيه سلطان


والشكر موصول لــــمشرفي واستشاري
المجلس العام