نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هذه أول مشاركة لي في منتدى المجلس العام ( الحيوانات الظالة والإنسان )

هلاليه سنعه · #12 11/09/2007, 12:00 PM

وعليكم السلام ورحمة الله وبركاته

حياك الله اخوي ااسامه في المجلس العام وان شاء الله تتوالى المشاركات..

موضوعك جميل يتكلم عن الرفق والعنايه بالحيوانات ..
بصراحه انا عن نفسي اخاف من شئ اسمه قطوه ..

مسويه لي رعب وتدري اني اخاف منها فدايم تسوي لي افلام رعب واكشن ..

لكن هذا مايمنع اننا نطعمها من بعيد لبعيد على قولة امي ..

اذا وكلناها بالبيت تربى في البيت ولا تطلع منه وتقعد تولّد ..
وتجيب قطاوه صغار وتسوي لنا قلق في البيت وازعاج ..

لكن اقترحت الوالده الله يحفظها طريقه اننا نحط الأكل لها بالبراحه او في اي مكان برا البيت..

وحتى ماننسى اطعام الطيور نجيب بقايا الاكل من الرز وغيرها بدال
مايرمى نحطه لها بالسطح مع ماء والحمدلله اذا جينا لقيناها ماكلته ..

ياليت الكل يسويها طريقه حلوه تضمن عدم رميها وفيها اجر كبير ..

ولا تنسون يا اخواني واخواتي في كل كبد رطبه اجر ..

ولا تحقرن من المعروف شيئا ..

صح انه عمل بسيط لكن بإذن الله ماجورين عليه ..

الف شكـر اخوي اسامه على الموضوع .. يعطيك العافيه ..

دمت بخيـر .. ‘‘