الله مـيـر يـوسـع صدرك ابو هـيــــا ..

على هالصبحية الواحد .. متمبـل من الفول المدمس والقلابة شوية زيت ليـن غدت بوهته مثـل ذيـا ====>

ياخوي صحصحـت من هيـك موضـوع وانتعشت وفقيت خشتي ومبسمي لين تشققت حنوكي غير ان الله يسلمك ويوسع سدرك ( بالسين ) وسعت سدري بالحيل بالحيل ..



اجـل قلب ابو خالد على ( حميمة ) .. ليه بـس لـيـه .. ماهيـب عادته ابو خالد .. ( أبـطـى ) أجـل من عام 91 تـوه يقـلب .. صدز ان العلاقة حميمة ..


اما سالفة ابو التبطح ( البيشي ) فهي ما هيب غريبة ولا هيب جديدة .. يعني برايك ابو هيا وش عندهم النصر من خطط .. من يوم عرفت النصر ايام درويش وماجد وهذا لعبهم .. ما يعيشون الا على الصجة واللجة .. وابو خالد يربي اشبال النصر على هالطريقة .. بمعنى انه يقولهم انتم تبطحوا والباقي خلوه علي .. حتى الدحيدح وهو الدحيدح خرب منشآت الدولة حسبي الله عليه .. مغير انواع من التسدح والمحط في الأرض .. يازيـنه والله بملاعب كوريا واليابان .. خابر ملاعبـهم مــلــس .. ياشيخ ان يقلبها حرث وفلاحة ونخـل ويطير عيونهم الخـط الى ..




اما حكاية اعتزال ماجـد .. فأنا ابشرك اني مقدم على البنك العقاري .. ابي قـرض وشكلي ابنقرض ولا جاني هالقرض .. يعني من زيني ماقدمت الا هالسنة لا وينهو فيه الارض .. في عريض .. عشان كذا احب اطمن جمهور ماجد انه لا طلع لي قرض يمكن يقام حفل اعتزال ماجد .. يالله انت تحيينا حياة طيبة ..



وبالنسبة لقولة ( إزهــــــلهـــــــا ) .. فانا اقول زيـــــــــن يامـعـود .. اللي نسمعها الى الحين .. وانـا مدري ليـش أنتعش لا سمعت طـاريها ;) أحــس ان بالـدار أحـــــــــد ..




وتسلم على انعاشك لنا بها الصبحية ابو هيــــــا .. وخاصـة لا صار موضوع ( منخـول ) مثل كـذا ..