جزء أصر خالد على المشاركة به ، على أية حال كان العنا سيكون بديلاً لنشر هذا الجزء و لم أحب تشتيت الموضوع أكثر .


" أصريت على هالجزء لسببين أولا عشان الأعضاء اللي ماخذين فيني مقلب و خاصه المشاغب اللي ينحب من ردوده و اللي من جد قلت لعبدالرحمن و أقولها هنا بعد أتمنى تخدمني الظروف و أقابله ، و مع إني ما كنت أتوقع إن الأمور توصل للدرجة هذي لكن مو مشكلة يقولون الحلو ما يكملش .

وظيفة تركي معنا كانت من أحلى الأخبار اللي سمعتها في حياتي لأن تركي مكسب و عقلية تجارية ما شاء الله ، و يمكن قريب نطرح الشركة مساهمة و لكم يا أعضاء المنتدى أولوية الاكتتاب و المشاغب مؤسس

من أصعب الأوقات اللي مريت فيها خطبة ريم ، كنت من جد خايف يوقفها شيء و خوفي له سببين ، الأول إني بافقد ريم و الثاني علاقتي بتركي .

الحمدلله جت الأمور مثل ما أبي و خلصنا و الفضل بعد الله لتركي .

خلوني اقول لكم عن العنا راعي الفضايح ، أولاً هو راعي فضايح على مستوى دولي مو بس على مستوى محلي و ما بقى بهو فندق إلا و فضحنا فيه و فشلنا .

لكن قضية الهبال والله ما يجاريه أحد في الهبال .

مرة كنا في مأمورية في هايلوكس هو يسوق و أنا راكب على اليمين ، و لما أقول مأمورية و هايلوكس أكيد وراها مين ؟!
طبعاً عبدالرحمن !!

المهم و نشوف لكم بنت تقول للقمر وش مجلسك محلي ؟! قم يالله قم !!

بلا عبدالرحمن بلا خرابيط يا ولد لا تروح البنت !
و لما ركدنا شوي ذكرنا إنا راكبين هايلوكس !! أنا بصراحة يأست خاصة و إنها في موتر يجيب عشرة هايلوكسات تقسيط بعد مو كاش ، المهم خبلكم العنا وقف جنبها و قالها نزلي الشباك و لما نزلت الشباك قالها ترى والله مو سيارتي بس مستأجرها أكشخ فيها

أخاف أكمل تنادون الهيئة ، إذا كل هذا سويتوه و عبدالرحمن مسمكر و مغير و مصرف أجل لو حكى عبدالرحمن كل شيء

قلت لكم ما يجاريه أحد في خباله .

المهم مخطين ندري إنا مخطين ، و يمكن إنكم ما شاء الله عليكم ما فيكم اللي كلم بنت و لا فيكم أحد قد رقم لكن أنا رقمت و كلمت و الله يتوب علي ، و اعترفت بهالشيء لزوجتي قبل ما أعترف به لكم ، و لا أعتبر نفسي بطل و لا شيء لأن الدنيا فيها ألف خالد و خالد و طلعوني من بينهم .

فياليت الحكي اللي ما له لزوم ما يكثر ، و عبدالرحمن طلب المذكرات من تركي و بحكم إن فيها شيء يخصني شاوروني و وافقت لأن عبدالرحمن يامر على أكثر

و مع إني أعتبر الموضوع يخص عبدالرحمن و تركي و هم أحرار إلا إني أؤيد صديقي العزيز العاقل مرتن مرة العنا و أٌٌٌٌقول مو ضروري تكمل المذكرات يا عبدالرحمن "