نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

جنتلمان · #5 17/09/2002, 04:08 AM

الغاليه نجمة الابداع ..

إقتباس


	* رحلتك في الانترنت متى بدأت ؟؟ وماذا استفدت منها ؟؟

بديت مع بدايه دخول الانترنت للسعوديه تقريباً عن طريق الوالد ..
أستفدت أشياء كثيره أبرز هالفوائد اني أخذت دورتين عن طريق المراسله وأعتقد اني وصلت لمرحله افيد فيها اكثر من ماأستفيد ..

إقتباس


	* عضويتك في شبكة الزعيم ماذا استفدت منها وماذا اخذت منك ؟؟

أستفدت منها أشياء كثيرلاتعد ولاتحصى أبرزها أنها عرفتني برجاجيل لي الشرف بمعرفتهم ..
واللي أخذته مني هو الوقت ..

إقتباس


	* اين يجد جنتلمان نفسه؟؟؟

جنتلمان يشوف نفسه في أشياء كثيره منها أنا أحب أقرأ كتب عن الفئات الخاصه وعندك الانترنت اللي مهما بعدت أرجع له بشوق أكبر ..

إقتباس


	* الحياة كما تعلم تئن بالاوجاع والمناظر المؤلمه فمتى يتألم جنتلمان ؟؟؟؟

أتألم من جراح فلسطين

..

إقتباس


	* الحياة عبارة عن محطات ما هي المحطة التي تتمنى ان لا يغادرها جنتلمان ؟؟؟

الأهل ..
ما أتمنى يجي اليوم اللي ألقى نفسي وحيد بدون أهلي الله لايقدر شر ..

إقتباس


	* الاماني لا تقف عند حد معين ما هي الامنيات التي لم تتحقق حتى الآن لجنتلمان ؟؟

ماعندي الا امنيه وحيده صار مستحيل انها تتحقق

كنت أتمنى أن يكون معي شهاده جامعيه في نظم المعلومات وعلوم الحاسب

تحياتي لك ..

الغالي Abu saad 66 ..

إقتباس


	هلا والله وغلا مجوووودي

أرووووووووووح تونه مع ذا الدلع يابوسعد

إقتباس


	اختارلي غير اسم غير الاسم هذا

خلك على [ ..... ] قبل لايجي واحد يكمل الـعشرين ألف ويطير به

.. وأسمع لاتنسى ذبيحه السماوه

..
والآ تدري يابوسعد وش رايك نتبادل باليوزرات ؟؟!
<<--- يبي يطيررررر بعدد المشاركات

إقتباس


	وش كان شعورك يوم دخلت المنتدى ولقيت موضوع المقابله ؟؟

كان فيه أتفاق مسبق بيني وبين الأخوان في الاشراف ..
مثل ما أنت عارف يابوسعد أنا رجال مشغول لشوشتي

وقاعد أنافس الوليد بن طلال من الناحيه التجاريه

فواحد جرني من اذني للمقابله بعد ما اتفق مع مدير اعمالي

وزياده على أنه جرني من أذني ألى هنيا جاء ومسطني بالاسئله الله يوريك تعدت الالفين سؤال

إقتباس


	ابي توقيع ....

أنت أمر وأنا أطامر

تحياتي لك ..

الغالي التنين ..

إقتباس


	س1 :انت خفيف دم

مدري فيه ناس يقولون أني ماصل

إقتباس


	س2 : انت الحين قد تهاوشت بالمدرسه

أنا أنسان وديع بديع جزيع ربيع و لطيف عطيف خفيف ظريف عريف صريف جريف عفيف <-- ولد جورج وسوف

أماهم يسمونه أبووديع خله يستاهل

إقتباس


	قد رحت الفيصليه والمملكه ...

الفيصليه

المملكه

بعد اللي شفته في الفيصليه قلت جعل رجلي القطع أن طبت المملكه ألحين عيال فيصل وهم عقال ناطحتهم مليانه من ذا السرابيت والجحلط من الجنسين أجل الوليد وش بيسوي !!

إقتباس


	انت قد حبيت وحده ؟ مستمر معها ولا تهاوشتوا

مانيب راعي ذا الخرابيط

أنا ما أحب الا أمي والحمدالله راضيه علي الله يطول في عمرها ..

إقتباس


	وش رايك بمشاراكاتي

أحسن من مشاركاتي

إقتباس


	انت وشرايك بارييل شارون

خنزير الله ياخذ عمره قليل الحياء

إقتباس


	وش احسن فلم شفته

ذكريات الصيف الماضي بكل أجزاءه الثلاثه ..

إقتباس


	انت وش تفضل الافلام الاكشن بكس ...ضربه مع الوجه ولا الرومانسيه والشاعريه والعاطفيه معليش اتفلسف

أحب الاكشن وبالاخص فان دام

إقتباس


	انت بالله عليك وش رايك باسمي اتحدى اسامي المنتدى كلها

خطيييييييير ..
تبادل

إقتباس


	كم فاتوره الجوال الشهرين ذولا

الشهرين ذولا

مابعد صدرت ألى الحين يابعدي والله يبطي بساعة البلا ..
أما الشهرين اللي مهيب ذولا

4276 ريال

حسبي الله على الظالم والمفتري

إقتباس


	وش احسن فيلم عربي

صعيدي في الجامعه الامريكيه

وبيتحول هالايام إلى جنتلمان في الجامعه السعوديه

إقتباس


	احسن مطرب

أبونايف ..
خالد عبدالرحمن بلامنازع ..

إقتباس


	احسن مطربه

عتاب

تحياتي لك ..

لي عوده مع البقيه قريباً ..

<---- الله يعافي الانفلونزا اللي خلتك تحسي مثل الناس وبالفصحى بعد