25/08/2007, 12:50 AM
|
| زعيــم مميــز | | تاريخ التسجيل: 26/01/2004 المكان: الـريــاض
مشاركات: 2,616
| |
هـلا أبو ليان
بصراحه وقفك قوي جدًا 
وأنا عندي موقف صار لي بالمدرسه .. أخطر من كذا بس ما جلدوني الحمد لله
الموقف طول الله عمرك أني تهاوشت مع مدرس .. لأنه غلط على سامي !!
ايه غلط على سامي الجابر .. والله ما قدرت اسكت له .. وسكته بكلام قوي ..
قال قم طف وجهك برا الفصل ..
المصيبة مهيب هنا
الكلام طبعًا كان الحصه الأخيره
واليوم الثاني راح يشتكيني عند الوكيل .. وراح يقول علي كلام ما قلته !!
وأجي أنا وأقول للوكيل كل الكلام اللي صار بالضبط ..
طبعًا الوكيل بيصدق المدرس في هذي الحاله !!
قال بنرفع فيك للمدير ومدري كيف ..
الزبده يعني بنكرشك من المدرسه ..
قلت طيب قبل ما تسوي هالكلام قله .. أتمنى أنك تروح للفصل و هم يقولون الكلام اللي صار بالضبط أمس !!
المدرس بلع أم العافيه .. وقال : يعني أنا كذاب ؟؟
سـكـت أنا .. وقلت للوكيل .. أنت سمعت وش قلت .. ياليت تروح وتشوف الفصل .. << مسوي أخلاق
المهم المدرس لأنه كذّب علي وقال كلام أكبر بكثيييير من اللي أنا قلته .. يعني أتهمني بأشياء ما قلتها ..
قال خلاص .. أنا مسامح الطالب !!
قلت أنا .. لا والله مهوب على كيفك .. هماك من شوي تقول هذا الطالب ما يستحق انه يقعد بالمدرسه ؟!
قام على باله بيستفزني .. قال هذا اللي يسمونه ( العفو عند المقدرة )
قلت لا وأنت الصادق هذي ( القمطه عند الوهقه ) << صراحه مدري وشلون طلعت .. بس كذا جمعتها براسي وقلتها له
تبون الصراحه حسيت الوكيل ماسك الضحكه
قال طيب رح فصلك الحين ..
ورحت الفصل .. وبعدها المدرس ما صار يتكلم على الهلال وبالخصوص سااامي
لأنه كم مرة قاعد يغلط .. وأنا أحذره أقوله انتبه لا تغلط ترا بيجيك شي ما شفته !
والحمد لله صار اللي صار علشان يعرف يغلط على الزعيم ثاني مرة !!
وآسف على الاطاله يا أبو ليان  |
