بين كل فتره وفتره ادخل على شبكه الزعيم واتنقل من موضوع لموضوع والمشكله والى اخر مره ادخل فيها للشبكه اشوف ناس الله يهديهم كتاباتهم ما ترحم وتستخدم اسلوب قاسي وصعب ما ادري هل هم مرسولين للموقع للهدف هذا او ان قصدهم اظهار وكشف الحلول وانا واعوذ بالله من كلمه انا ما اتوقع ان هذا اسلوب صحيح لأن هذا الاسلوب يهد ويهدم دوله كامله مو لاعب ولا سيما ان اللاعب يكون توه تحت 23 سنه وانا ابذكرلكم اكثر من حاله صارت هنا...
1-اللاعب عبدالله الجمعان..
بعد ما صارت الحركه من الجمعان طلعوا ناس كأن الجمعان ذابح احد عيالهم وطلّعوا اللي في قلوبهم بطريقه ما تخدم لا الهلال ولا اللاعب ولا حتى افادونا بحلول او حتى هدوا الموضوع وخلوا الاداره تحلها من نفسها والحمد الله الاداره ما قصرت.
2-فهد المصيبيح....
قعدوا له وخلوه شماعه للاخطاء وبعد ما صار الموضوع جد رجعوا وحسوا بالوضع والحين الاداري الناجح راح والاداره ما فيه...... يالله اقعدوبها.

وياليت الكتاب المرسولين للشبكه اكتفوا بهذا الشي لا بالعكس ما اكتفوا ابد وراحوا للاعبين الصغار وهذا اكبر مثال...
3-الكابتن بدر الخراشي....
بدر من شفته مع الزعيم وانا اذكر الله لاعب رغم انه صغير وجديد على هذي المباريات الا انه يقدم اداء ممتاز واذا تبون الدليل... لاحظوا انه هداف الهلال الى الان رغم ان اللي يلعب بجانبه هداف الدوري السعودي الموسم الماضي <حسين العلي> والحمدلله ان المستوى والاهداف تشهد لبدر الله يحفظه.... ورغم كل هذا لاحظت اكثر من سته مواضيع تنتقد بدر بطريقه قاسيه وانا ما اقول امدحوه لين يغتر لا بالعكس الانتقاد افضل بس باسلوب اقدر اسميه توعيه وارشاد.

واخيرا اعتذر على الاطاله واتمنى ان بعض الكتابات تتعدل او ان الاداره ما تظهر اي موضوع يضر بالهلال.