همسه في اذن كل هلالي قبل بداية الموسم
السلام عليكم ورحمة الله وبركاته
اخواني الزعماء قبل بداية الموسم فيه كلمه وابي اوصلها للجميع وانا اولكم
الكل يعرف ان ميزة الزعيم بجمهوره الكل يحسده عليه نلاقيه يوقف معاه في كل ظرف وفي اي مكان
هالشي مايختلف عليه اثنين حتى لو ماعترف الغير لكن هالشي مايقدر ينكره في قرارة نفسه
جمهور الزعيم دومه ذواق دومه يطرب الواحد دومه حماسي جمهور الزعيم بالنسبه للكل افضل جمهور
لكن مثل مايقولون ان الزين مايكمل وهنا ندخل بصلب الموضوع
حنا نعرف ان الجمهور بيده يرفع اسهم اللاعب لفوق وبيده ينزل اسهم اللاعب لتحت
والله ان جمهور الزعيم حريقه يحرق اللاعب لاغلط ادنى غلط ويقومون الدنيا ويقعدونها
هذا احسه اكبر عيب في جمهورنا
بضرب لكم مثل لكن ماراح اضرب المثل بالمفرج لان اتوقع ان الكل معارض او الاغلب معارض له
(( مع انه بالنسبه لي لاعب متفاني بخدمة الزعيم تحسه لاعب مخلص للهلال وهذا مو متوفر بالكل لاعب
وهو لاعب خلوق )) المهم
لكن انا بضرب لكم المثل في نواف اللي محد ينكر خدماته واللي سواه للهلال ومحد ينكر ابداعه وفنه واخلاقه بجد
هاللاعب ربي يحفظه من اللاعبين المميزين اللي احس انه من النادر تكراره في ملاعبنا لكن مجرد ماقل مستواه
في كم مباراه الجمهور وش سوا فيه حرقه سبه شتمه وكلام كثير ماله حصر
بدال مايوقفون جنبه ويشجعونه صار العكس
وربي الجمهور بتعامله احسه يذبح اللاعب بدون مايحس وبكل برود بعد هالكلام يطلبون منهم انهم يلعبون ويرجعون لمستواهم
علشان تحسون باللي يحسون فيه حطو نفسكم مكانهم الكلام الموجه لهم تخيلوا انه موجه لكم وبتعرفون
وربي حرام هم مثلنا يحسون ويتاثرون بهالكلام واكيد لهم ظروف مثلهم مثلكم
المفروض نتعاهد من بدايه الموسم ان يكون الجمهور الهلالي جمهور واعي اولاً جمهور متفهم
جمهور يراعي نفسية ا للاعب
همسه في اذن كل هلالي اللاعب قبل لايكون لاعب تراه انسان ارجوا منكم مراعات شعورهم  | 