نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

LBa your heart · #1 23/08/2007, 02:38 AM

السلام عليكم

ها أنا أعود لكم بموضوع فيه نوع من الغبرهـ

أمس دخلت موضوع أخوي مقدر الهلال والموضوع يتكلم عن ذكريات الدراسه ,, فذكرت لي موقف صار يوم كنت بالتمهيدي قبل المرحله الابتدائيه <- يلعن يوم مخك اللي يذكر قبل 16 سنه

وهذا هو الموقف

إقتباس


	ايييييييه يالدارسه <-شعنده الشايب اذكر موقف لي بمرحلة التمهيدي <-درس كل المراحل الا الجامعه تعرفون الدعوه خليطي كانت عندي مدرسه مصريه اسمها جيهان كانت تسأل اسأله ناسي ايش هالاسئله المهم اللي يجاوب تعطيه حلاو انا ماجاوبت ونفسي بالحلاو الزبدااايه جت الفسحه وطبعاً براسي اني اخذ حلاو دخلت الفصل وماحصلت احد واتجه لمكتبة المدرسه وافتح الدرج واطلع الحلاو واخذ لي وحده واحطها بفمي وطبت علي الست جيهان وانا متلبس ولا اذكر اللي صار بعدهـ اييييييييه ياليتني كبير في هذيك المرحله انواع الفله فيه مواقف صارت لي بس ناسيها لاذكرت نزلتها هووون وفتكم بعافيه

بعد مارديت على الموضوع قلت ياولد ليش ماتنزل صور ايام التمهيدي بالمنتدى,,

طبعاً الاوراق كثيييره مايمديني انزلها كلها.. فخذيت لي كم ورقه ونزلتها عن طريق السكنر ,,

قبل لا أبدأ بالصور .. اذا ماطلعت معكم الصور سوو تحديث واذا ماطلعت نبهوني

نبدأ بالصور

^
^
توني أدري أن ماعندي ذوووق وأنا صغير

عشان تدرون أن هلالي شوفوا لون وجه ابوهم

^
^
هذا عمل بسيط يسمى قص ولزق

عمركم شفتوا بيت بدون باب

^
^
شو هيداا الرسمه ,, غطيت على ليوناردو دافنشي ,, شكل علبة الالوان خلصت ولا قدرت اكمل تلوين الشمس

^
^
أبووك يالذوق

^
^
قايل لكم أني هلالي يوم أني بالتمهيدي

^
^
لو يدري الدب اني ملونه بهالالوان توطى بحوض بطني

بس لو تلاحظون على يد الدب شي مثل القماش بس يمكن
ماتوضح لكم بالصوره

^
^
ذووق ماشاء الله علي

^
^
هذا تمرين بالرياضيات , بس لاتفوتكم الخرفان

^
^
تمرين ثاني بمادة الهجاء

,,

الحين باقي الاختبارات

^
^
الحمدلله بهالصفحة مافيه ولا خطأ

^
^
كماان هذي

أما هذي فيها أنواع الفضايح

^
^
شوفوا السؤال الخامس بس ودققوا فيه

لاتلوموني ترى الاسئلة كانت من الوزاره

هذا أختبار ثاني :

^
^
كانت الاختبارات في عام 1412 هجري

^
^
أختبار انجلشش وشوفوا كم نجمه حطوا لي

^
^
لاتلوموني ترى كنت سهران قبل هالاختبار

...

وهذي صورهـ لجدول الاختبارات

...

وهذي صوره لشهادتي

من يوم أني صغير وأنا دااج

,,

وهذا عمل سويته قبل 16 سنه

عباره عن اشاره مرور بشفاط

وبس

هذا اللي قدرت عليه

والله عندي اربع ملفات تقريبا وفيها حول 200 ورقه عباره عن رسمات واختبارات وتماريين كلها بأيام التمهيدي,,

على فكره ترى التمهيدي تابع لرئاسه تعليم البنات عشان محد يفهم غلط

واذا تبوني انزل صور ثانيه نزلتها

ايوه صحح نسسيت أشكر أخوي 9ـهلالي9 على مساعدته لي
وفتكم بعافييه