طبعا الكشته تحتاج الى تجهيزات اولا الفرشه ثانيا الشوايه والفحم وقبل ذا كله طرارة الاخوان :عشان يجيبون اغراض من السوبرماركت طبعا كل واحد يحول على الثاني واخرتها مايروح ولاواحد منهم يرسلون سواق الشركه يعني عجز فظيع
نجي لافراد الكشته بنات العم اللي وجهي في وجوههم طوال الصيف ليل ونهار واخيرا وصلت الاغراض اللي هي عباره عن دجاج مبرد وبهارات وبيبسي وبطاطس ..........الخ ما اطول عليكم بعد اجتماع البنات يتم الدخول الى المطبخ بعدها نبدا بتقطيع الدجاج وتتبيله وقلي البطاطس وتجهيز الفحم وكل ذا على شريط العنود يعني نص شغل ونص رقص وطبعا يتم دخول المطبخ الساعه 7 مساء ونخرج منه الساعه 10 يعني نص الكشته في المطبخ بعدها نروح لمكان الكشته اللي هو (السطح)ويتم الشوي والاكل طبعا مافيه سوالف (يعني وش نسولف خرجاتنا سوا واصلا من كثرها كلها اربع عزايم وباقي الايام عزايم عندنا يعني قضينا الصيف في التقطيع وبت السفر و...............الخ بمعنى اصح بالمطبخ اووو قبل ما انسى انا واخواتي ننفخ عليهم طلعنا اكثر منهم ) بعد العشاء تنزل وحده تحمي الطار وسرا الليل كله طق ورقص الى ان نسمع رنة الجوال ويحليلها اللي ترد بتنفقع طبلتها من التهزيء فشلتونا مع الجيران طبعا من احد هالبزارين اخوانا اصلا لو فيهم خير كان خرجونا اوسفرونا الواحد ماهمه الازوجته وياحسافه عليهم من زوجات الوحده باربعين غير دلع العمات مايكدونهم معنا لا نستحي اشتغلو وانتوا ساكتين حتى العزايم اللي في بيوتهم ماعليها الا تقول للشغاله سوي شاي وقهوه وهي تنام للعصر واحنا نكرف (نكد او نشتغل )من اليوم اللي قبله بعدها نوقف الدق ونطالع بوجيه :sad: بعض ووحده مسويه نفسها بتغير الجو تطربنا بصوتها واخر الكشته يرن جوالي واسمع ذاك التهزيء تاخرتوا وكلن يرجع لبيته
(طبعا بيوتنا جنب بعض واحواشها فيها بيبان تفتح على بعض كله عشان كل عصر نجتمع يعني يسكتونا )