الموضوع: الغبن الوردي والجبن البلدي !!
مشاهدة مشاركة بصفحة مستقلة
  #14  
قديم 21/08/2007, 09:16 PM
الفيروسه الزرقاء الفيروسه الزرقاء غير متواجد حالياً
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376

وعليكم السلام ورحمة الله وبركاته .

هلا والله وغلا بـ alhawey ..

يـ أخي فيه علاقه طرديه بينك وبين الدراسه ..! ماشاء الله اول ماقربت تبتدئي جيت لـ المجلس .
المهم عساك أنبسطت فـ إجازتك ..

نجي لـ موضوعك .

ياعميرتي يـ سعد كل شي يصدقه والمصيبه واللي قاهرني حمد ذا للاسف كثييير يتهاونون بـ الحلف فتشوفهم يحلفون كذب ..! طب ماتدري أن الكذب حرام ، الله يـ الدنيا اتذكر من اول أمي تقولنا " اللي يكذب ربي يحطه بـ النار " ، إيييه زمن أول تحول الارانب للاسف منتشره بكثره خصوصاً هنا بـ العالم الافتراضي ماتدري هو صح الكلام وإلا لأ بـ عكس لما الشخص يكون قبالك تعرف انه كذاب من لهجة كلامه ومن حركات عيونه اما بـ النت ماتعرف تفرق إلا لما يكون الصاروخ تعدى حدود المستحيل .

عندنا بـ الجامعة للاسف الكذب زي السلام عليكم أتذكر موقف قالته لنا إحدى الاستاذات مستغربه من كذبنا الزايد تقول : جتها بنت تعتذر عن عدم دخول m بسبب وفاة والدتها وتطالب بـ إجرى إختبار بديل راعت استاذتنا ظرفها وافقت ع انها تصلح لها اختبار بديل مع العلم أن هـ الاستاذه طيبه جداً وماعندها إلا اختبار واحد ونااادراً تصلح اختبار بديل ، المهم قدر الله ودرست هـ البنت مادة ثانيه السميستر 2 وغابت نفس الشي عن m واسالتها الاستاذه ليش ماحضرتي والله يااستاذه امي توفت ..! " نفس العذر ! " الاستاذه حافظه شكل هـ البنت قالت موب امك متوفيه الترم اللي فات !
البنت سكتت قالت ماراح اعيد لك الاختبار إلا لما تجيبي لي عذر مقنع ، عاد ماندري استاذتنا عادت لها والا لا بس هي تستغرب من حال البنات كيف صارت تتجرأ وتخلي امها ميته ..! او يمكن مابي اظلمها توفت بس موب كل ماغبت عن الاختبار قلت امي توفت ..!
لو انا فـ مكان هـ الاستاذه بطالب ان البنت تجيب شهادة وفاة ----->> عاد انتِ نذله :p .

اتذكر مره صار لي موقف جد جد انهارت اعصابي فيه لاشعورياً طحت ع الارض وقمت ابكي من شدة القهر اصعب شي لما تكون صادق بس اللي حولك يكذبونك لأنك صغير واللي ضدك كبير وفاهم وعاقل وأنت فـ نظرهم عقلك صغير ومهما تكلمت مايقتنعون بكلامك .. لأن الواحد بيصدق كلام ولده ع كلامه حفيدته !

واللي يقهرك أن هـ اللي ضدك جاب لك المصحف ويحلف بـ القرأن انه ماصلح هـ الشي وانا يـ عمري رحت فيها والمصيبه واللي قاهرني كنت حافظه الادلة بـ قرص مرن " هذا دليل ع ان الموقف قديم مره وانا موب هينه من زمان راعية حفظ ادلة " ولا لقيت القرص الا بعدين وصعب جداً توريه اهلك وتفتح صفحات تقفلت ..!

بس جد ع الرغم ان الموقف كان صعب ع إلا اني ندمت جددداً الآن ع اني دعيت فـ ذيك اللحظات لان اشوف اللي كان ضدي حاله تردى .. وحسيت أني السبب لاني دعيت عليه بـ دعوه ----> عجوز ماغير تدعي ..!

بس استفدت من هـ الموقف شي يـ الهاوي مو مهم انهم يصدقوني ويقتنعوني بـ كلامي والأهم اني ماادعي وانا فـ لحظة غضب لأن دعوة المظلوم ليس بينها وبين الله حاجب .. سوري طلعت برا موضوعك .

إقتباس
التسذابون الاقوياء يغطوننا بشرشرف ويخمون عقولنا ويقولون كل شي تمام وحنا ياغفل لك الله !! وياغافل انثبر ولا ترفع الشرشف..

الشاطر هو اللي يوقف فـ وجهم وينصحهم ويعلمهم بأنهم زودوها مثل ماصلح سعد بـ حمد يوم عرف شخصيته .



أخيراً ... alhawey حمدلله ع سلامتك ..




برايفت لـ جرح يشكي

ثاااانكس إنك علمتني بـ اسمه
الهاوي إستعد لـ التهديدات بـ فضحك بـ اسمك وخلي اللي مايشتري يتفرج :p ! ----->> موب صاحيه ع بالها انه بنت












الفيروسه الزرقاء
اضافة رد مع اقتباس