صبااااااح الخير لجميع السهرانين والمواصلين <<< مايقصد مواصل واخوانه

يالله حي هالوجيه السفره .. يالله حي كلن باسمه واللي ماعنده اسم عااااد يدبر عمره

والا يتسلف اسم لنهايه الموضوع ثم يرده لصاحبه :p


يقول العالم اليوناني افلاطون (إن لم تكن ذئب اكلتك الذيابه ) << ياشيخ انثبر

وكل تراب

ماحب اطول عليكم بالهرج اللي مال امه داعي بس حبيت اعرض عليكم

شي ماشفتووه من خلف كواليس حياة أعضائنا الأفاضل

وطبعاً حقووق الكاركتيرات محفوظة للرسام الكاركتيري المبدع (عبدالسلام الهليل ) ..!!

وانا عدلت فيها واضفت عليها شوويه شغلات بلمسه سحريه من الرسام علمني

عليها اخووي الصغير اللي يدرس بخامس ابتدائي :p


البداية كما عودناكم بأعلان هام ورجاءاً التزموا فيه

ويمنع اختلاط العزاب والعوائل والا ترى يمدحون الهيئة في مثل هالظروف






عاد انا ماحبيت ابخل عليكم بأي لقطة او موقف يصير من خلف الكواليس

حتى ذاك اليوم كنت جالس في مقهى المجلس العام وكان جالسن بجمبي

(موااصل وابوطلال ) وصار بينهم هالحوار المنسم ;)



عاد لاتسألوني وقتها ليش مواصل مارد على ابوطلال الظاهر انه اطرم
والا يمكن المخرج عاووز كده



** وبعدها طلعت بكاميرتي السحريه من مقهى المجلس العام ورحت اتجوول

في هالقايله بسوق الغنم << والله من المزااج

واللي يشوفني مع هالكاميرا يقوول تسنه من هالسياح الأجانب لقاموا يصورون

كل شي عجيب في هالبلد .. المشكلة مافي شي عجيب غير مواطنينا عاد وقتها لقيت

الأخ (خالي من الهم ) وهو يسولف مع احد الخرفان الظاهر انه يقرب له او يصير له

من بعيد :p وصورت الموقف مع ترجمة كلام الخروف



الرابط الوحيد في هالموقف ان الدكتور ابوطلال ماقدر يعالج خالي من الهم
من داء الشاني والظاهر ان الشاني بيستمر معه الا مالا نهايه .. وسمعت ان الخروف
ناوي يقدم شكوى لجمعية حقوق الأنسان على خالي من الهم لأنه حاول يتحرش فيه



** وبعد هالموقف المرير والمخزي من خالي من الهم .. لفت نظري دورية واقفه

في اقصى الشارع وقررت اني اروح واشوف وش السالفه ولقيت احد رجال الأمن

البواسل يلقي القبض على اثنين من المشتبه بتورطهم بقضيه انتحال شخصيه بنقالي في

احد اسواق البطحاء وهم كالتالي (هلالي الظهران - والكناري الأزرق ) ولحقتهم لين

مادخلوا السجن وصورتهم من تحت فتحة الباب



والله من الدلاخه خويا ومايدرون وشهووله داخلين السجن الظاهر ان المخرج
غلط بالأدوار والا المفروض يعطيهم دور كومبارس



** وبعد هالحوار الشيق والمستفحل شلت كاميرتي ورحت للبيت عشان اخذ لي غفوة

قبل لااسرح واسفهل بالشوارع واروح ادور فضيحه جديده .. ويووم دخلت البيت

لقيت الأخوان (الهلالي الثقفي - جرح يشكي ) جالسين بالصالة وقاعدين على التلفزيون

المشكلة ان التلفزيون مطفى مدري ليه جالسين عنده

وفجاة صاااار بينهم شد وجذب في الحوار << والله من الحماس والأكشن بالموضوع :p




ياشيخ والله من قعدتكم احس انكم جالسين تستنون برنامج المملكة هذا الصباح



** وبعد ماصورت هالموقف انتقلت بالكاميرا لغرفه الشطحات الهوائية

وكان جالسن فيها (المشاغب -وهامور البورصة ) وكل واحدن فيهم ماسكن مجلة

المشاغب معه مجلة باسم .. وهامور معه مجلة ميكي ماوس الظاهر انهم من اصدقاء

المجلة




لاتعليق الصورة ابلغ من الكلام :p



** بعد هالموقف طلعت من الغرفه وانا اتحمد الله والضحكه

تكسو معالم خشتي البريئة وقلت ياولد رح للغرفه الثانيه غرفه بنات حواء

وشف وش عندهن يمكن نطلع من عندهن بشي يفيد ..

ولقيت الأختين (هلاليه سنعه -وتغريد ) جالسات على النت وريحه غرفتهم كشنه

الظاهر ان موضوع افضل طبخه فاحت ريحته وصورت لكم الموقف مدعوماً

بالترجمه ..




اقوول تغطن يابنات




** بعدها طلعت من غرفة بنات حواء ورحت لفرع بنات حواء المجاور لهم

وكانت فيه الأختين ( الهنووف - وشذى (ع) ) وكانوا في قمة التفاؤل انهم يصيرون

مشرفات الظاهر انهم ناويين يسوون عملية انقلاب ضد الحكومة




اجل نائبة العريف ياشذى وانا اللي كنت اتوقع طمووحك في العلالي << علالي والا بيت كروكر << برررررررررررى ;)



** بعدها وبدون اية مقدمات قررت اني اسافر للشرقية عشان ابتعد عن أجواء

الشطحات واروح ادور شطحات شرقاويه بطعم البن الشرقاوي << ياشيخ كل تراب :p

واوول مكان طرى على بالي طبعاً الهاف موون ملجأ العشاق والباحثين عن الحرية

وطبعاً كان معي كاميرتي السحريه << نعنبوا شيطانك انت وهالكاميرا ماتخرب

واول ماوصلت للهاف موون لفت انتباهي شخص قاعد يسبح بطريقه عجيبه طبعاً

وقاعد يسوي حركات تايتانيك في البحر

وطبعاً هالسباح كان الأخ ( عبيط او المشاكس ) وبصراحه عليه جسم ورشاقه

ماشاء حووله تسنه خريطة كنز ضايعه بوسط البحر ;)

وصورت الأخ عبيط وصار بينه حوار شيق مع أحد أسماك القرش الغير شرسه ..



بالله عليكم وش رايكم في هالرشاقه انواع الأغراااااء



**وبعد هالمواقف كسرت الكاميرا بكل ماتحتويها من شطحات وذكريات بس تراني

ماكسرتها الا بعد ما نزلت هالموضوع

وعسااااااااااااه يعجبكم ويحوز على رضاااكم ..



ملاحظة :- التمس العذر من الأخوان اللي انذكرت اسمائهم في الكاركتيرات
وانا ماذكرتها الا لسمو أخلاقهم وطيبتهم في المجلس ولايهونون باقي الأعضاء




تقبلوا تحيات ...

الغدير الأزرق ...