سلطان ,,
ادري ان الحب موجود ..وادري ان الانسان مشاعر ..
وكلنا عندنا نفس الشعور ..
انا كنت اقصد في كلامي اللي اقتبسته انت .. بعض الناس اللي يكلم له بنية .. يرسلون الصور لبعض .. ثم تحصل لقاءات .. ثم يجي يقول ابي اتزوجها .. هذا النوع اللي كنت اتكلم انا عنه ..

اما انت فأظن انك من النوع اللي تكلمت عنه الهنووف بردها علي

وانا ما انكرت وجود هالشي يا اخي
بالعكس من البديهيات اللي لازم تكون موجودة بالحياة ;)

بعدين يا سلطان لا تضحك على نفسك باللي حاصل بالدول العربية
طالع شف كم قضية اثبات نسب بمصر
كلها بسبب زواج عرفي كان بدايته حب من النوع الواطي ;)

سلطان ما زلت مصر على عهد التابعين وما بعدهم
سلطان ترى الرسول عليه الصلاة والسلام يقول " خير القرون قرني ثم الذين يلونهم ثم الذين يلونهم ...... " او كما قال عليه الصلاة والسلام




[QUOTE]
خلينا من الكلام عن الصحابة .. خلينا في اللي أنزل منهم .. وهم الأئمة والتابعين
الأمر تعدى كونه عاطفة مثل الخوف والرجاء إلى حب وطلب الزواج .. أو شراء الإماء
[/quote]

حلو يا سلطان ..
هالحين بهالزمن تعدى كونه حب الى ماذا ..
انت عارف وانا عارف ..
اكيد مهيب كل الحالات لكن الغالب ..
وهي اللي تطفو على السطح غالبا ..

تعال بجلسات الشباب .. معظم الشباب ..
وش اللي تسمعه اكثر ..
" والله انا لي بنت عم وحبيتها وتزوجتها والحمدلله حياة سعيدة "
او
" شباب يمين الله اني مرقم بنتين اليوم كل وحدة اطلق من الثانية "

نقطة ثانية ..

شباب ليش انتوا دايما تنزلون من قدر العادات والتقاليد ..

ادري ان فيها اشياء كثير لازم (( نعم لازم )) تتغير ..

لكن تروا فيه اكثر من مذهب من المذاهب الاربعة
ومنها المذهب الشافعي
يعتمد في فتاواه الفقهية على ..
" القرآن والسنه والاجماع والقياس وعادات اهل البلد "

وبعدين للعالم اللي ترى ان المجتمع احيانا تحكمه عادات وتقاليد غبية .. او كيفما يراها ..

ترى الواحد منا اول من يطبقها لاصارت الدعوى متعلقة فيه او في اهله

نقطة ثالثة ...
بالنسبة لموضوع قصيدة "بانت سعاد " فعلى حسب ما سمعته من احد اهل العلم
ان الرسول صلى الله عليه وسلم لم ينكر عليه ..
لانها كانت عادتهم بالجاهليه في بداية اي قصيدة التغزل بالمحبوبة ..