أبو لما الاتفاقي ( افضح أقول إنك تصفق تبي الخامس ؟! خلاص باسامحك هالمرة )

إقتباس رحل فهد المصيبيح بخيره ولا أستطيع أن أقول شره لأنني الحقيقة لم ألمس منه ولم أرى شرا لأذكره الا أن كانت البطولات والإنجازات تعتبر شرا فأقول بشره .. عموما رحل الرجل تاركا صوره حسنه تاريخية .. وأقول تاريخية لأنها كذلك .. فهو أكثر الشخصيات التي مرت على تاريخ النادي أختلفت عليها الأراء .. وأنقسمت عليها الجماهير ..

رحل فهد ولعل في رحيله الخير للهلال قال تعالى ( وعسى أن تكرهوا شيئاً وهو خير لكم ) ;)

إقتباس والآن وبعد رحيله .. هل نستطيع أن نكشف الأخطاء .. التي يعج بها النادي ؟؟

لا ما دريتااااااااااااااا كل المشاكل انحلت خلاص !!!!!!!!

إقتباس الصحفي الذي لم يمنح نفسه اجازة منذ فترة ليست قصيرة بسبب حشه الدائم والمستمرللإداري المقال تشفى في عموده على الاداري بطريقة غبية جدا أضحكت الكثيرين ..

أحسن شي سواه فهد إنه بروحته أعطى صحفيي الجزيرة فرصة يا خذون إجازات وإلا تراهم ما خذوا إجازات من مسك فهد إدارة النادي والحين العبدي متوهق بهم كلهم يبون إجازات ما يدري يجيب مؤقتين ولا وش يسوي ، المشكلة مهوب في المؤقتين بيلقى مؤقتين بس المشكلة وشلون يلقى المؤقتين اللي يحشون المصيبيح ، وكله خوف يرجع المصيبيح ;) قبل ما يرجعون من إجازاتهم .

إقتباس الإداري وتمت أقالته والحملة لا زالت مستمرة .. ويقولون أن الحملة ليست شخصية ؟؟

أبو لما الحين وبعد ما انتهى النقاش حول المصيبيح بحكم ذهابه أقول لك كان اللي يدافعون عن الجزيرة يقولون انكم تقولون كذا لأهداف شخصية ومصالح واغراض شخصية وكنا نقول يارب لك الحمد أهل العقول بنعمة ، ما كنا نرد بنفس تفاهاتهم مع إنه لو بغينا وقتها نقول إنهم يستقصدون المصيبيح عشانه طرد مراسلهم من ملعب الفرق السنية بسبب ... ، أو إنهم ودهم يخططون عشان صديق العبدي العزيز فودة ( العمدة ) يمسك النادي بعد المصيبيح ( على فكرة تراهم بدوا ينشرون الشائعات بخصوص تولي العمدة إدارة الفريق بس إن قاله الله ما والله ;) ) أو عشان يجي مدير يرفع السماعة عليهم ويدورهم لو في بيوتهم يقول لهم : ترى اليوم في التمرين صار كذا وكذا وشكل المدرب بيلعب بكره فلان وبيخلي فلان على العموم انا أول ما أتأكد أدز الخبر لكم ... على فكرة متى مقابلتي ؟ كم جزء ؟ على كم صفحة بتخلونها ؟ أو عشان أوعشان وش نقول وش نخلي لإننا اكبر من كذا ولأنها الجزيرة الهلالية اللي تعز علينا ، حتى الآن أنا قلتها لأن المصيبيح راح في حاله والله يستر عليه ويوفق الجزيرة ويصلحها ويهديها ويرجعها عاقلة ولا ياخذها هي وبقية الصحف .

إقتباس من اداري النفي .. الى أشهر إداري هلالي .. هذه هي الصحافة والا بلاش

لا اصبر بيطلع الشهم الشجاع الجريء اللي يتصرف دون الرجوع إلى أعضاء الشرف بكل شجاعة وكله منك يالمصيبيح !!!

إقتباس لو كان الاعب الدولي الذي تم القبض عليه هلالي هل ستعامله الجريدة بهذه (( الحنية )) ام أنها المصالح .. لعنها الله .

ابو لما ترى العيب مهوب فيهم فينا حنا ؟ّ أعضاء شرفكم لو سوى واحد من لاعبينهم كذا قالوا خلوه يخيس في السجن يستاهل لو ما ناخذ البطولة ! خلوه يتأدب ! كلام حلو جميل خاصة إذا نظرنا للموضوع من جهة الانضباط بس يا سرع ما نندم عليه بعد ضياع البطولة ووقت ما ينفع الصوت لين فات الفوت .