جرح وش ذا الرعب يخوي

إقتباس كان فيه شباب كلهم من حارة وحده وكان كل خميس يطلعون للبر ويوم من الايام طلعوا من دون ما يقولون لـ احمد ( احمد اسم مستعار ترا ) قام احمد من النوم دق على اخوياه ما احد يرد طلع وقابل واحد يعرفهم وسئله عنهم قال له انهم طلعوا للبر، فكر فكر احمد كيف ينتقم منهم واخيراً جاب الفكر اليهوديه طلع لهم ووقف السياره بعيد وراح للبير اللي قريب منهم ، ونزل كل ملابسه وجلس ورا البير الين غابت الشمس تقريباً وصار يطلع راسه ويصيح لهم وينقز فوق بسرعه ويصيح لهم (( اهم يفكرون انه من جوا البير وهو لا من برا البير )) وكل واحد منهم ركب سيارة من دون ما يشيلون اغراضهم وانحاشوا ورجعوا لبيوتهم وقابلهم احمد وسئلهم وين راحوا وقالوا انهم راحوا للبر وطلع لهم جني من البير انتهت القصه

اعترف من اللي انحاشوا تصدق اشك انك ضمنهم دام حطو رجيلهم

شف تبي الجد انا عاد خشيت ع الصور لكن المقاطع بخش بعدين <-- ايه هين

وبعدين وش اللي يخوفك من الجن هاه ببيأكلونك ؟؟

بقولك قصه صارت لي :

مره كنت بالبر انا وثلاثه من يعال عمي <-- اسلم المهم رحنا من الصبح كان

ايام مطر يوم جاء العصر قبل لمغرب بشوي قلنا يالله بنرجع وحنا راجعين

قال واحد من العيال يكلم اللي يسوق يخوي انت خواف خفت لايجينا جن وقلت يالله رجعنا

وهو اللي يكع فرامل ويلف للمحطه وحنا ساكتين ويقول علي انزل هات لنا بطانيات

عاد حنا مامعنى الا من فروة كل واحد قلت طيب نزلت مالقيت رجعت لمه قلت مافيه

وهو يديور ويرجع للبر وينزل على المغرب ويقول انزلوا ياشباب نزلنا وكل واحد تصافق ركبه

عاد معروف قبل المغرب هو وقت الجن صح وشوي الا وتحل ( الغدراء ) الغدراء = الظلام

وخوينا ذا الله بالخير كنه ببيتهم بيني وبينك في البداية ماخفت والله عادي سواليف بس بعدين

معنا واحد خوفنا كلنا كل شوي ينط من مكانه يحس فيه شيء جاي لمه :p

وبدا الخوف يدب في عروقنا وخوينا ماعنده وقت .. قلنا يبو فلان سرينا

قال من قال لكم تروحون من عند امهاتكم عشان تقولون رجعنا والله البلشه

وش نسوي بذا الطعس المهم خلاص حنا عرفنا انا بنوم ذاك اليوم بالبر مع البرد

والخوف الله لايوريك بس في الاخير طفش الرجال يوم شافنا نتنافض معاد نسولف قال

قوموا يالله مشينا وفعلا انتهت القصه الى لاشيء


مشكور اخوي جرحيون على الموضوع

والله يوفقك في اللي رحت له اليوم الصبح <-- الرد تم بعد المكالمه الصبحيه




.