نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ~¤¦¦§¦¦¤~ اكشن في اكشن يا عالم الجن

هلالي الظهران · #15 14/08/2007, 02:17 AM

اقول جرح يشكي اخرج من المنتدى ولا كسرت رقبتك

.. ولا تدري رد علي اول واحد ولا ذبحتك

..

يعطيك العافيه اخوي جرح يشكي .. موضوع مميز وذو شجون ..

شوف مع اني انسان اخاف من القطاوه وادناة الدون الا ان لي خبره بهالسواليف لأن عندي اخويا ماتحلى لهم هالسوالف الا لاصرنا بين النفود وانتصف الليل:sad: ..

عموما المواقف كثييييييييييره لكن ابعطيكم كم موقف عايشتها فعلا..

الموقف الاول:-

كنت مع واحد من اخوياي جالسين بــدان كون دونات اللي بالتحليه بالجلسات الخارجيه.. ومعينين من الله خير وقوة سواليف.. المهم ونسمع صوت صراخ قريب مننا والعالم ابتدت تتجمع.. بالعاده انا لو شبت جنبي حريقه ماتحركت من مكاني ولا اداني اللي يقوم يتفرج!!

بس هاك المره مدري وش اللي قومني!! المهم ونشوف ولد صغير تقريبا اعطيه 16 سنه .. بس الولد وسيييييييييييييم..ومنسدح على ظهره على الرصيف واربعه ماسكينه كل واحد من طرف .. ومعهم الظاهر شيخ مثبت ركبته على صدر الولد..عاد تعرفون هالمطاوعه ماشاء الله يجيك الواحد فخذه كانه سيخ شاورما بماما نوره

.. ومع هذا الولد يتفلت منهم!!

المهم.. الشيخ جالس يقرأ على الولد وهو يتفلت منهم.. الشيخ استمر في قرايته وبدا الجني يتكلم ويسب..طبعا الواحد اذا تلبسه الجني عيونه تجحظ على فوق وماتشوف الا الجزء الابيض والبؤبؤ يصير فوق:sad: .. عاد كان سب الجني من الوزن الثقيل.. بس الشيخ سفهه وكمل قرايته.. صار الجني يطلع يصوت مزعج حتى مايسمع قراية الشيخ.. واستمر الشيخ بقرايته وصار يقوله اطلع.. عاد الجني راسه والف سيف مايطلع.. شد عليه الشيخ وقاله اطلع .. قام الجني يصارخ بصوته: ياشيخ الله يلعنك ماني بطالع .. ياشيخ احبببببببببببببببببببه .. احببببه ياشيخ واموت فيه

..

عاد هو قال كذا وانا اللي اعطيهم ظهري وادوير مالها داعي تجيني هالجنيه وتتلبسني .. تدرون ماتدور الا الطخمان

..

ابي اضيف معلومه.. العاده ان جن الرجال يتلبس حريم الانس.. وحريم الجن يتلبسون رجال الانس .. الا اذا كان الجني شاذ عاد شي ثاني << تراه صدق

الموقف الثاني:-

هذا صار لواحد من اقرب اخوياي.. الولد راعي خطوط ومايحلى له يمسك الخط الا بالليل.. كان طالع من الرياض للمدينه بلحاله.. المهم يقول كنت ماشي حول الــ160 ومشغل محمد عبده ومروووق.. يقول وانا ماشي حسيت باحد وراي ونفسه عند اذني!!:sad:

الولد عرف ان اللي وراه واحد من اياهم.. يقول خفت اسوي شي غلط ويتلبسني.. يقول اول شي هديت السرعه لاقدر الله يصير فيني شي وانا مسرع.. بعدين رفعت المرايه لفوق حتى لا أغلط واشوف اي شي من المرايه وراي وحاولت اني ما التفت ابد

.. يقول واذكر ان في الدرج جنبي شريط قران .. صرت ماسك الطاره بيد وعيوني تناظر قدام بس وبيدي اتطاول الاشرطه اللي بالدرج من دون ما التفت .. الين طلع الشريط وكان لسوء الحظ اخر شريط

.. المهم ويشغل الشريط وبدأ النفس يبعد عن اذنه .. يقول الين تاكدت انه راح وافتح الدرايش وماقفلتها ودعس ميتين الين وصل المدينه

..

عاد الحين مافي أمل يمسك خط بالليل

..

الموقف الثالث:-

هذا الموقف تحكيه جدتي من زمان.. تقول في بيتنا كان جن وكنا نعرفهم انهم جن بس مانسوي لهم شي!!

تقول احيانا اذا طلعت انشر الغسيل بالسطح .. اشوف الغسيل يرتفع من السله ويتعلق على حبل الغسيل!! واحيانا اذا اذن الفجر وماقمنا للصلاه نسمع قربعه بالمطبخ ونقوم للصلاه.. صار الجن من اهل الخير

..

عاد ياحليلها جدتي.. تقول يوم نقلنا لبيت ثاني افتقدتهم وصرت احتاج شغاله بالبيت

..

اكتفي بهالقدر والا هالسواليف ماتنتهي ابد..

جرح يشكي يعطيك الف عافيه موضوع متكامل ومتعوب عليه.. واثار الشجون والذكريات..

عاد هالله هالله بالاذكار مره بالصبح ومره بالمساء وباذن الله مايضركم شي..

برايفت الهنوووف: اذا قريتي الموضوع كامل وشفتي كل المقاطع ابتوسطلك عند واحد من اهل الخير اسمه شخلع وبيلعب بالتصويت وبتفوزين ان شاء الله..

سلاااااااااام,,