تبغين نكون صادقين معك والا نتكلم بعاطفة ونقول لك المليون بتصير عشرة والعشرة مية انا دخلت بهذا المنطق وخسرت لكن كسبت درس لكن هل امك تقدر تستحمل ان فلوسها تصير بعد اسبوعين 250 الف فقط يعني تخسر خسارة كبيرة انا ضد هذا التوجه اضافة الى اني ضد ان الواحد يجازف بكل فلوسه في شركة واحدة وفي النهاية ارتفاع الشركة الى هذه المستويات ليس لمكانة الشركة ابدا ولكن للمضاربة فيها فكل شركات التأمين لم ترتفع هذه الارتفاعات لاسم الشركة ومن يقول خلاف ذلك فهو مجانب للصواب والشئ بالشئ يذكر انظري الى سهم المملكة وهي محرمة ايضا مثل التأمين ولكن تعتبر من بين اكبر الشركات على مستوى المنطقة وتعتبر من اكثر الشركات نموا وارباحها السنوية عالية جدا مقارنة بشركات التأمين اللتي لم تبدأ نشاطها وليس لديها اي ارباح سابقه او مؤشرات ومع ذلك اسعارها تصل الى 146 وترتفع وتنخفض واما شركة المملكة ذات الربحية العالية رغم تحريمها فلم يصل سعرها مابيت 11.75 و 12 ريال والسؤال مالسبب؟!!
للاجابة بكل الوضوح واجابة صادقة بعيدا عن المجاملة عدد الاسهم فمثلا المملكة تمتلك 6,300,000,000 سهم بعكس شركات التأمين اللتي لاتتعدى 10,000,000سهم وقريبا من ذلك.
وليس مغزى كلامي ان تشتري من الشركات ذات الاسهم القليلة ابدا فهذه اكبر مخاطرة فعند الشراء من الشركات ذات الاسهم القليلة تكون نسبة التذبذب عالية وممكن ترجع لاسعار الاسهم لشركات التأمين مثلا فتجد سعرها يصل الى 160 واكثر اوا اقل قليلا وبعد فترة تجد سعرها يصل الى 29 والعكس صحيح اذا فهذه الشركات تتحكم بمن يملك فيها اكبر كمية ويتحكم بالسعر ويبيبع بالسعر الذي يريد ويشتري بالسعر الذي يريد من خلال بيع كمية وهمية بأسعار قليلة.

شركات الاسهم الكبيرة نسبة التذبذب قليلة خصوصا بعد مرور وقت على تداولها ولنا في سهم كيان خير مثال وارتفاعه وانخفاضه بالهللات لكن لن تحقق الارباح الكبيرة في ايام بل سنوات وليست ارباح كبيرة لان المضارب لايريدها مهما بلغت ربحيتها ولنا في المملكة خير مثال.

بعد التوضيح السابق ارجع واقول الاسهم مايبغاله مشاورة يبغالها واحد يعرف لطبيعة السوق وسلوك المتعاملين وطلب النصيحة داخل المواقع قد يكون كمين لك!!

نعم انا ممكن اروج لشركة عندي ابغى ابيعها بسعر معين ولم يحصل لي ذلك فأستخدمك كأداة لذلك وهذا ماهو مستخدم في كثير من غرف المحادثة للاسهم واغلب مواقع الاسهم على الانتر نت.

خلاصة: اذا اردتم استثمار هذا المبلغ بشكل ضروري في الاسهم فبحثوا عن شخص يعرف لهذه الاسهم مع اشتراط الا تكون الشركة اعلنت افلاسها او افلست ولم تعلن او شركة تعمل لمدة طويلة وخسرانه لكن فيه شركات خسرانة لكنها جديدة وهذه الخسارة ليست الا لبناء مشاريع لها ومثال ذلك اعمار مدينة الملك عبد الله في رابغ ولا اقول اشتري في تلك الشركة ولكن هذا مثال لشركات تخسر بغرض تشغيل اعمالها.

انا كنت فعلا مشغول بس حبيت اتكلم عن تجربتي وعن الاسهم وعن شئ اساسي وهو ان الخسارة في شركات التأمين والشركات ذات رأس المال القليل خطره خصوصا لغير المتمرسين وجعل جميع هذه المبالغ في شركة واحدة اعتقد انه خاطئ خصوصا وحنا نتكلم عن شركة تحت الانشاء ممكن تخسر وممكن تربح ولكن بالتأكيد السعر لن يكون الا بيد مضارب السهم وسيحاول رفع السعر في بداية تداوله حتى لايستطيع احد ان يأخذ هذا السهم الا بالسعر الذي يحدده بعد نهاية اول يوم تداول. هذا اللي عندي وارجع واقول هناك فرق بين الواقع والاحلام فقد تتحول الاحلام الى كوابيس وانصح الوالدة انها تروح لصالة التداول يوميا لمدة اسبوع وتشوف حالات النكد وضيق الصدر واللي يمسك راسه يندب حظه وبعد كذا بتعرف انها في سوق ليس للعواطف واالاحلام مكان فكم وكم شاهدنا من حالات داخل الصالات وليس القول كالمشاهدة.

نصيحة:التجارة ربح وخسارة لكن اللي يدخل على عماها يستاهل الخسارة لذلك مهما قررت الدخول لاي مشروع او في الاسهم تخلي ثلثي المبلغ او النصف ماتتصرف فيه ومثل ماقلنا بدال ماتصير المليون ستة خلو النصف مليون تصير ثلاثة
داري انه ماهو وقت ضحك لكن شر البلية مايضحك لكن تبغيني ازيدك من الشعر بيت ارجعي للصحف قبل تداول المملكة وكم توقعوا توصل فيه بعض المحللين وصل سعرها لاول يوم تداول للخمسين ولاتعدت 12.25 والحين سعرها 12 وتنزل 11.75 فمثل ماقلت الاحلام في عالم الاسهم كوابيس ناس باعت بيوتها وخذت قروض والحين في مستشفى المجانين هذه الحالات موجودة وحالات اخجل من قولها امامكم لذلك وحتى وان حصلت الرغبة فلا تدخل بكامل رأس المال خصوصا اذا كانت الحالة المادية غير مستقرة بمعنى الام او الاب غير عامل والاهلي تكافل بتوصل لاسعار عالية ولكن انتي ماراح تقدرين تشترينها بسعر نازل لانها بتفتح بسعر عالي واذا شريتي سهم بثلاثين راح يرفعه للخمسين وهم معاهم ملايين ماتفرق معاهم خصوصا انهم يبغون يتملكون هذا السهم وخلي الوالدة تدعي لي والله يهديها لكل خير ويجعلك قرة عين لوالديك وتختار ان شاء الله الشئ اللي يناسبها بالارقام وليس بالاحلام يعني قوائم الشركة المالية وتوسعتها وخلافه.
وصلى الله وسلم على نبينا محمد والسلام عليكم ورحمة الله وبركاته
المحب لزعيم اسيا
شبكة الزعيم