الأسم /محمد أوكوشا مارتينز.
العمر/46 عام وثمان أشهر و12يوم 13 ساعه.
المهنه/ بيع الفصفص والبليله في ساحة الحرم المكي الشريف وفي الأعياد يبيع مع الفصفص والبيله الطواقي سابقا وحاليا بيع البصل في سوق الخضار .
النادي الذي يميل إليه/الأتحاد .
قال من أصعب المواقف الي مرت عليه.
الموقف الاول/يقول يوم وأنا باسط بجنب الحرم أبيع كالعاده فصفص وبليله شفت لاعبي المفضل محمد نور أول ما شفته مت من الفرحه وأنا أناقز وراه أبو نور أبو نور وقف محمد قال هلا أي خدمه قال أبد أنا مشجع إتحادي وأبي أتصور معك قال حياك أخوي قلت والكلام لابو طلال طيب أبي نتصور جنب البسطه قال ما عندك مشكله.
يكمل ابو طلال الموقف ويقول رحت انا ومحمد نور يم البسطه فجأه البليله ما هي موجوده أكياس الفصفص ما هي موجوده والأدهى والأمر الجوال كان على البسطه ونسيته كنت ابي الحق محمد فجأه أنا أصيح وأصارخ قالي محمد وش فيه قال جوالي الي ابي اصورك به انسرق وبسطتي أنسرقت وحلالي ضاع ومدري شسوي تدرون وش قاله أبو نور.
يقول أبو طلال إلا ومحمد يطالع فيني بغضب عجيب ومعصب قال يبويه لو أنت تبي تشحث أنا أديك بس تسوي هالحركات علينا وأنسرقت بسطتي وإنسرق جوالي لجل أديك فلوس فبدري عليك تضحك عليه وراح وخلاني .
الموقف الآخر الطريف/يقول يوم جتني هذيك الوحده ذات العيون الوساع والجمال الباهر وشيء غير طبيعي المهم يقول الرجال رقمتها بس هي خذت الرقم وما تكلمت يقول وهو يحلف بالله أنه ثلاث سنين يراسلها وتراسله وهاتك أبو طلال مدهر بطايق شحن للأدميه يقول البنت ترسلي لا عاد ترسل شحن مو بحاجته يقول وأنا أرسل أبي أغريها اسمع صوتها وتجي المفاجأه الكبيره ويقول يوم واعدتني تجيني البسطه وبتتكلم على الهواء فجأه جابت أخوها معها يقول أستغربت المهم البنت تأشر لأبو طلال جب بليله فأبو طلال مسوي فيها ذكي تعرفون وش سوا يقول قلت لأخوها وش في أختك ما تتكلم فقاله أخوها الله يشفيها البنت بكماء ما تتكلم قال أبو طلال آها الله يشفيها (ودي إني شفت وجه أبو طلال ذيك اللحظه) يقول أبو طلال وترسل لي رساله تتاسف مني وأنا من وقتها قلبت أحول من شدة الموقف ووقعه علي فلكم التخيل 3سنين مرسالاتوحبوغرام وبطايق شحن مع بكماء الله يشفيها.
ختاما/أتمنى أن أكون خفيف الظل عليكم في أول جزء من سلسلة أعضاء المجلس العام وأن محد يزعل مني فتراني مودب وحبوب وأمشي جنب الحيط ومالي في المشاكل تحيتي للجميع .
