| السلام عليكم
اخوي سور الصين
والله مادري وش اقولك ... الحقيقه ان فينا الم وفينا قهر وفينا كل شي على هالنجوم اللي طيرها اخونا فالله وبعد كذا اكتشفنا انه جالس يحارب المواهب الصغار فالنادي ( انا ما ادري هذي عقد نفسيه ولا ايش انك تحارب اطفال مايتجاوزون 18 سنه) وكل هذي الاشياء بلعناها وبعد كذا تجي القادسيه من درجه ثانيه لدرجه اولى لدرجه ممتازه وتصكنا بهدفين ويطلع لنا بعض الضرفاء ويقول مو ذنب المصيبيح وبعدها ناكل اربعه من الاتفاق ويطلعون لنا ويدافعون عن المصيبيح ويقولون من المدرب الغبي !!!!!!!
طيب يوم قال سعود بن تركي ابجيب يوردانسكوا اعترض اخونا فالله بحجة ان عقده غالي !!!!!!!!
ياخي بتدفع من جيبك قرش والله شي يقهر!!!!!
انا ما الوم المدرب لان هذي امكانياته لاكن الوم اللي ساكت عنه وقبل كذا اذا يذكرون الاخوان اللي يدافعون عن الجهبذ المصيبيح كان ساكت عن ابو غره كامبس ويقول انه مدرب قدير !!!!!!!!
ياجماعه ياللي تدافعون عن المصيبيح خذوه واعملولكم فريق وخلوه مدير كره فالفريق والله يمليكم بركته والله يوفقكم وان شالله تحصدون جميع البطولات يارب بس بعيد عن الهلال الله يرحم والديكم ترى( والله العظيم ) معد نستحمل اكثر من كذا لان اللي جالس يسويه المصيبيح ماهو شوي ياجماعه ترانا غير باقي جماهير الانديه واذا تتذكرون كلام المعلق البكر ( انا ماشفت في حياتي جماهير تعشق ناديها مثل جماهير الهلال) وتبونا نستحمل تصرفات المصيبيح اعتقد انها صعبه جدا بل مستحيله ... ياجماعه ترى المسأله ماهي عناد ولا اني اسمع كلام الجرايد واصدق لا والله بس احنا جالسين نشوف نجوم تطير ومواهب صغيره تروح لانديه منافسه ونجوم تشتكي من معاملة المصيبيح وانظباطيته المزعومه وتطبيق اللوائح على اللاعبين طيب قبل لاتطبق اللوائح عطني راتبي اخر كل شهر وطبق بيديك ورجليك ...
انا ما اقول يصير النادي فوضى بس ترى الكلمه الحلوه تجيب نتيجه اكثر من تطبيق اللوائح على اللاعب وانت ماتعطيه راتبه بانتظام ...
وانا بسأل كل واحد جالس يتغنى بأنظباطية المصيبيح لو كنت موظف واتأخر عليك راتبك شهر واحد فقط (لاحظ انا ماقلت شهرين ولا ثلاثه ولا اكثر) وش بتسوي كيف ردة فعلك وانت عندك التزامات ماليه وعنك اسره ومسؤليات ..ولو تتأخر دقيقه ولا تسوي لك اي بلا قالولك انظبط ولا وريناك !!!
كيف نفسيتك بعد كذا بتصير ؟؟؟
طيب لو جاك مديرك وقالك يافلان اصبر كلها ظروف كم يوم وان شالله تزول واهم شي انك تنظبط عشان مايصير عندنا فوضى وان شالله حقك بتاخذه على كم كلمه حلوه ...
يعني المسأله مايبيلها الا واحد ماعنده عقدة السلطه يعرف كيف يتعامل مع اللاعبين باسلوب حضاري وبنفس زينه .. ويعرف كيف يحتوي الصغار وكيف يقومهم اذا غلطوا (مويطردهم اذا غلطوا) هذولا مراهقين ماينفع تكون صلف معهم لازم تصادقهم عشان يحبونك ويسمعون كلامك (مو يخافون منك عشانك بتطردهم)
فكروا بعقولكم شوي وبدون تحيز وبدون ماتحطون في راسكم ان عندنا احتراف ترى اللي عندنا اسمه انحراف والدليل 8/0
وشكرا | 