سلاموووون عليكووووم ,,


كيفكوم ياداجين وداجات وتماسيح ,,

انا عارف انكم اشتقتتووا الى كتاابااتي اللي من جنبها

بس ابي اعلمكم شيء خطير تراني منضووول بلحيل

اللي صاكني بعين يقووول بس ماشاء الله علي .. ولا يتفل

ترااا اهم شي الاخلاق

على العموم ماودي اطول عليكم وانشاءالله نسلك مع بعض ( ابوووك ياالفصحى )

بصراحه فاضت قريحتي بهذا الموضوع من حر ماأوجس ( تعلمو وشلون تكتبون مقدمه لمواضيعكم ياالتماسيح .. تعلمو البلاغه )

المهم هذا الموضوع عباره عن عياره<<------------ قل قسم انه عباره عن عياره

---------------->> قسم انه عباره عن عياره


عاد اطمرو هالسطر وانتبهو على ركبكم البيضه !!!

--------------------------------------------------------


كان ياما كان وفي سابق العصر والاوان ...


<<----------------- وراك ما تنثبر وتخش في الموضوع

----------------->> طيب


في يوم من الايام كنت اقرأ قصة سندريلا ,,

وبعد ماخلصت منها قلت ليه ما أكون مثلها هي احسن مني في ايش ؟؟

هي كانت فقيره ,, وفي لحظه صارت غنيه ,,

وأنا طفران .. وحبيت اصير بطران ..

ودام ان الدعوه ما فيها وظايف ولا حتى زبال ,,

قلت ما فيه الا اني اعتمد على نفسي واسوي بيزبيس ,,

واول شي فكرت فيه اني ادور على القدوه السنعه

يعني كما قال الشاعر ديفيد بكهام

<<<---------- ابد ماتأثر بكاس العالم

قال ديفيد ..

قل لي بمن تقتدي **** اقل لك من انت

والقدوه السنعه هي اللي توصلني للطبقه المخمليه بسررررررررررعه (( المخمل خابره قماش مدري وش جابه هنا ))

اول شي فكرت فيه هو اني اشتغل مطرب ...

بس هذي الشغله يبيلها ممارسه وتمكن ..

وطول الليل وانا احفظ بهالاغاني اللي ما ادري وش سنعها

ومن الفجر رحت عند (( روزالين )) لايروح بالكم بعيد هذي طقاقه اسمها وضحى وروزالين اسمها الفني

وهي الله يجزاها كل خير ماخلت شي في الطق ما علمتني اياه .. واعطتني مجموعة مجلدات اسمها (( الاصل المغروس في اصول الطق بالعروس ))

وكان هذا المجلد ثمين (( سمين بس طايحه سنوني بعد طيحتي في العرس ذاك اليوم )) وقريته كله وشربت الشغله (( بس والله ياطعمه علقم يوم شربته ))

وهذيك الليله اتصلت علي ام عروس من طرف روزالين ...

ام العروس : الوووووووو هلا بمطرب الموسم ابوالتماسيح ..

انا : اوووه لحظه انا سكرتيرته انت عندك موعد مسبق ؟؟

- لاوالله ماعندي بس هو وش عليه رافع خشمه ؟؟؟

وبيني وبينكم خفت تهون وتروح لغيري قمت ونعععععععععمت صوتي بزيااااااااااااده كاني المطرب وجاي اهاوش سكرتيرتي ,, ليه تعامل الزباين بهذا الاسلوب ؟؟

واخذت هذاك المنديل الثقيل وفوقه خمس مثله وبرضه نععععععععععمت صوتي ,, هذي كلها محاوله انها ماتكتشف جماله قبل الحفل

انا : هلوووووووو

ام العروس : اهلين انت ابوالتماسيح ؟؟

- يس

- والله سكرتيرتك ماعندها ذوق ولاتعرف تتعامل مع الناس ..

- خلاص فصلتها ... وهذاها تلم عفشها طالعه

- زين بكم تحيي الليله ؟؟

- المحيي هو رب العباد <<----------- قلبت قناة اقرأ

- قصدي تطق ؟؟

- ماعرف اضرب احد انا أليف

- اقول وش شغلتك ؟؟

- اغني بالعروس .. والليله بثلاثين ألف <<--------- أخيراً

- الله يديم الرخص ,, اوكي الزواج بعد اسبوع لاتنسى في قصر افراح (( طق لي وارقص لك ))

- تممممممممم بس اهم شي العشا يكون بوفيه مفتوح

- طوط طوط طوط <<<<<< مفهومه اظن .. والله انها مطيوره ام العروس

وبعد اسبوع رحت انا واختي احلام وبنت جيرانا جينفر واختها شاكيرا( بحكم خبرتهم في هالمجال;) )..

وطبعاً بسيارتي الـ20 متر مع الشوفير ( السواق ) وطوالي على القصر

اول ما دخلنا ... زلقت !!!

الله يهديهم حاطين القصر من هذاك البلاط المشخمط اللي يتبالص ويزلّق خلق الله ..

المهم قالت لي وحده غني اغنية ..(( يادار لاهنتي ))

انا اذكرها قبل الزلقه بس بعدها ما اذكر شي !!

بدينا .. دمبق دمبق دمبق

وانا ماعندي لهم إلاّ ورا ورا ورا .. وما دريت إلاّ انا والاخوات برّرررا

بس اعجبكم الدفع كان مقدم وطلعت شريحة جوال وشريت جوال <<<<< احلف عاد .. اجل اشلون بتشغله

وشريت شبح بالتقسيط

وكان لازم اكمل اقساطه وأنا ماعندي سيوله <<<<<< مدري من وين طلعت سيوله

بس ان الطق يغث ولازم الواحد يراجع دروسه (( الاغاني الجديده)) كل يوم وبعدين ...

ماناسبتني هالشغله مع ان لوني يأهل بس الحظ الله ياخذه قاعد واذا هاوشته يقول اسكت ولاّ ترى انسدح

فكرت بقدوة ثانيه وشغله ثانيه اغتني من وراها ...

قلت مالي إلاّ اني اكون خطّاب .. ويابخت من جمع راسين بالحلال

رحت لام صويلح الخطابه ونفس الشي شربت الشغله

وبسطت عند عمارة المملكه .. وحطيت لوحه مكتوب عليها ((فرصه ثمينه تزوج واربح بيجر مجاناً))

ومن حطيتها وعيونكم ماتشوف إلاّ النور .. زحححححححمه يبون يربحون البيجر

واخذت مجموعة من الصور ,, وماخليت بيت في الحاره ما طقيته ماحد يبي يتزوج من هالبنيات يقولون (( هذي طريقه سخيفه وغير مضمونة ونتائجها عكسيه ))

بس يوم قلت لهن ان الصور لشباب كانوا عند عمارة المملكه تغير رايهن .. سبحانه يغير ولا يتغير

وكل وحده سمراء اعطيها صورة واحد ابيض والاسمر ياخذ بيضاء ,, نوع من التغيير

والافنس ياخذله وحده خشمها طويل والعكس .. الخ .

المهم اني لطشت من كل واحد 1500 ريال على الخطبه يعني المجموع 695649000 ريال وسددت اقساط السياره واشتريت لي قصر في العليا بس ان الكهرباء و الماء والتلفون مقطوع عنه ,,

لاني ماسددت الفواتير خلصت قروشي وراحت بين الساس والجدار ,, مع اني ابعدت الساس عن الجدار ومالقيت شي !!!

وكل ماحاولت ارجع لشغلتي .. ماحد يبيني كلهم يقولون اني قطاع ارزاق


قلت مايبيلها ادور لي على قدوة ثالثه ...

وقررت اني اصير مسحرشي ( كوافير ) ,,

وسويت لي كم كرت ووزعتهم على معازيم بواحد من العروس واول وحده جاتني نفشت شوشتها 45سم فوق و 46سم قدام و78سم ورا ..

وما اكذب عليكم الكل انهبل على التسريحه ..وصار اسمها تسريحة البارك .. لان مكانها مكان موقف سياره

وصدقوني من الزحمه صرت ما استقبل إلاّ العرايس والوحده ألطش منها 4500 ريال ,,

وهات ياشخمطه في خشتها ,, وحوسه في شعرها مع كم بخة فليت بدون رائحه .. وتصير تماااااااااام,,

وهذي هي الشغله اللي ماشيه ذا الوقت ... واذا غيرتها علمتكم ,,

والظاهر انه ماراح اغيرها لان عشاق الموضه واجد واذا قلت لهم هذي الموضه طاعوني بدون مقدمات

<<------------- بنات تقص عليهم بسرعه ههييييههههييه


وسلامتكم ,,


تحيات القائد المبجل ابوالتماسيح ,,


دمتم ظهراً ,,


تشا111ووو