والله نفس موقفك هذا الحصه الاخيره .. والي فيها مدرس جاي في محل مدرس غايب
وماله خلق يدرس تعرف الحصه الاخيره .. ويجينا ذاك الوساس الي خلانا نقلب راس المدرس .. ما ادري شلون طلع للفصل كله ايمانهم كلهم يبون يروحون المسجد ...
المهم بعد محادثات وتدخلات وفر رووس .. قدرنا نقنعه ودانا المسجد وبعدها ما شفنا الى غبرة المدرس .. الحين طموحنا كبر .. نبي نهرب من المدرسه .. وفيه هذاك السور الي من وراه الباب الخارجي للمدرسه ,, وحنا ننط السور الواحد تلو الآخر
ويجي دوري وانط السور ويوم هبطت على الارض بسلام وارفع راسي
وياليتني ما رفعته ضربه مزدوجه الناظر والوكيل قدامي
هذا الموقف ما راح انساه .. الحمد لله اني اعرف الوكيل وعلاقتي معاه طيبه
ولا السالفه هاذي ما يعديها الا فصل نهائي .. بس الحمد الله انهم تفهموا اني في آخر سنه دراسيه
