أخوي البدررر

انا ما ادري ليش انت مشحون ومعصب

إقتباس على كذا انت بتمسح تاريخ يوسف والنعيمه والتيماوي لعيون سامي

مين قالك اني امسح او الغي تاريخ الثنيان والنعيمة

لا انا ولا غيري يقدر يمسح تاريخ الأساطير الهلالية المعروفه لكل هلالي


وهل انصافي لسامي يعتبر مسح للثنيان والنعيمة ؟


في احد ردودي على بعض الأخوان قلت ان ابويعقوب يستاهل التكريم كونه جزء لا يتجزأ من تاريخ الهلال

وسامي والنعيمة كذلك

إقتباس لمعلوميتك بعد ماعتزل يوسف رجع سامي لاعب وسط بعد مافشل بالهجوم

لا معليش انا اختلف معك فيها

سامي ومع أول موسم لباكيتا ومحمد بن فيصل كان يلعب الهلال بخطة 1-5-4 وكان سامي المهاجم الوحيد

وحقق مع الهلال جميع بطولات الموسم وحسم الكثير من المباريات ووصل مع المنتخب لكأس العالم كمهاجم

يا ليت انك تراجع حساباتك قبل لا تتهم سامي بالفشل

وما هو من الضروري إني اسب سامي وانتقص منه علشان الثنيان

فكل منهما مكمل للاخر ونحبهم كما نحب الهلال ولا يمكن لي أن اتلفظ على اسطورة بحجم الثنيان من اجل سامي

لأني أثق بالثنيان وبسامي أيضا ;)

إقتباس انت اخوي وغيرك من الي يعرفون بالمشكله الي سكتوو عنها زمانا والحين تبون ندافع عن سامي

يا خي انا ما قلتلك او طلبت منك تدافع عن سامي هذي وجهات نظر

إقتباس ليشش ماقلت لنا بعد ماخسرنا النهائي ان الرئيس تحدىى ان يرفع الكاس بدون سامي

يعني لو قلتلك تبي تقتنع ;)

إقتباس انا كتبت موضوع او رد قلت ان كان بيرفع المفرج الكاس مانبيه ووللاسف حذفته انت او غيرك من المشرفين سكتووو زمناا والحين تتكلموون عجبااا

لكل مشرف وجهة نظر واراءه .. ولا يمكن لك ان تحاسبني على ما عمله غيري من اخواني المشرفين

وفي النهاية نحن نقدر عملهم وجهودهم في خدمة الاعضاء عن طريق شبكة الزعيم

إقتباس ان كنت خايف مو عذرك

والله ما شاء الله عليك خليتني مسؤول حتى في قناة الزعيم .. واللي يطلع فيها مسؤوليتي

واني اخاف علشان كذا احط اغاني لأبوسلطان في قناة الزعيم

إقتباس تقدر تكتب الكلام هذا بجريدة الرياضي او بالمنتديات الهلاليه او الجرايد الهلاليه اودخلت المنتدى باسم ثاني وبغفله من المشرفين المطبلين ان كنت مو منهم وكتبته

اي خوف واي تطبيل ووش دخل الرياضي في المنتديات الهلالية .. وضح

إقتباس اتركوو لنا الهم والغم والحزن بعد خروج الهلال خالي الوفاض بعد خروج الهلال من الاسيويه اما انتم حاسبوو انفسكم على ماجرى للهلالنا

دخلتنا بعد فاللي حصل للهلال بعد قناة الزعيم

إقتباس وكوونوو على بينه من امركم انكم مشاركين محمد بن فيصل باكثررر من الثلاث ارباع بالخساره محمد بن فيصل لو ماشف سكوت منكم على الي صارر مارجع

والله إذا صار المشرفين على شبكة الزعيم أعضاء شرف تعال حاسبنا ;)

إقتباس انتضرك تزين حذف للرد وتبتل بالطبيل

لا على العكس ما راح احذفه .. وانا رأيي مثل ما هو من قبل ولا راح اغيره من اجل التطبيل

ونصيحة لك ليس من الضروري أن تسيء لسامي من أجل الثنيان فكلاهما اساطير للهلال نفتخر بهم كثيرا ;)

إقتباس اتمنىى ماتخاف على منصبك بالمنتدى خاف على الهلال <<<< اي مشرف بيزين حذف لرد هذا

شبكة الزعيم ولله الحمد شبكة رائده .. وعمرنا ما اهتمينا بمناصب وحنا ما دخلنا الشبكة وعملنا فيها الا حبا في الهلال فقط


تحياتي لك