إقتباس الرسالة الأصلية كتبت بواسطة Z I D A N E أولا : أشـكرك أخـي خـالي من الهـم علـى الـموضوع الحسـاس أتفـق مـعك في بعض كلامـك عن القـطاع الخـاص لـكن القـطاع الخـاص عـدا الشـركات الـكبيره مثل سابك و آرامـكو وغيرها قـطاع مـحدود . . بـدون تـنظيـم . . فـيه نـوع من الأسـتغلال للشباب السـعودي أنـا كـنت أشـتغل بشـركه قبل سنـتين " مـالكـها سـعودي " كنـت أداوم بشفتـين [ صـباحا ] و[ مسـاء ] ومـاعنـدي أوف إلا الـجمعه تخيل حـتى الخـميس عـندي عـمل وراعي الشركه الله يـهديه طايح فيني كل شـوي كان يـجيني بالـمكتب ويـرسلني لأنـهاء أعماله الخـاصه مثل حـجز تـذاكر سفر وغيرها صـبرت لأني كنـت انتـظر بس إبـتعاثي لـكندا حـتى أكمل دراستي هناك وأبو الشـباب طـايح فيني مراسيل أنا قلت يـمكن الرجال يسـتحي على وجهه شوي خصـوصا إني الوحيد اللي معي ثانويه بمكـتبه الخاص واللي معاي يـمني [ أقـسم بالله إن ما مـعاه إلا إبتدائيه ] والظاهر ما خذها ليلي بعد واللي قاهرني أنا إني متـخرج بنفس السنه من الثانويه و معاي شهادات كومبيوتر وآخرتها أبو الشباب جايني يقول الله لا يهينك فيه مقـاضي أبيك تـوديها البيـت ألـعن أم الأستـغلال يا شيـخ الـمشكله إني مهنتي مكتوبه بمكتب العـمل : إداري [ عشان شهادات الكومبيوتر ] وأبو الشباب مدير الشركه يرسلني لآشـغاله الخاصه وقلت والله ما تسوى علي وتركت الشركه بدون تردد وش رايك بالأستـغلال يا حليل الوظيفه الحـكوميه بس تحياتي أخوي على موضوعك الأكثر من رائع z i d a n e

أهلين أخوي زيدان لي عوده لردك الرائع.

أخوي زيدان ليه ما فيه الا ارامكو وسابك ياأخي انت تتكلم عن تجربه وحده في شركات كبيره زي ما قلت فيه بنوك ياخي خذ لك قرض وافتح لك مشروع صغير لا يكون الواحد طموحه راتب آخر الشهر الوظيفه الحكوميه والله مو غرور عرضت علي كثير ورفضتها لسبب بسيط انك تدفن نفسك وطموحك فيها انا اسمي الوظائف الحكوميه البطاله الممكيجه اي الموظف زي العاطل بس الفرق يستلم راتب اخر الشهر والله اعلم هل حلل الراتب ولا شاهي وسوالف في العمل شاكر لك مرورك اخوي وبالتوفيق لك ولجميع الشباب.