يانااااااااااااس والله عيب العالم وصلت المريخ وانتو لسه.......
السلام عليكم ورحمة الله
اولا انا معجبة بالموقع الكبير وهذا ليس مستغرب فهو موقع الزعيم النادي الكبير الهلال
احب ان اوضح نقطة قبل ان ابدا انا لست متعصبة لاي نادي ( ما اهتم ولا اتابع الا مباريات المنتخب )
والله ماسجلت الا عشان اكتب هادا الكلام
اتمنى ماينحذف الموضوع لان في مواضيع فيها سب وتجريح وكلام وسخ وفوق كدة موجودة وما انحذفت
والله اني استغرب الكلام اللي يطلع من ناس مسلمين عاقلين كبار مثقفين ويمكن جامعيين
ياناااااااااااااااااااااااااااس يا عالم الناس ماوصلت للقمر بس لا وصلت للمريخ
وانتو لسه ..تشادي يماني تكروني باكستاني و......و...........و.....
والله عيب عليكم رجال كبار تقولو هادا الكلام
ماتعرفو ان العصبية القبلية من التخلف ومن الجاهلية ..بغضها الاسلام ونهى عنها الرسول صلى الله عليه وسلم
وكان هادول اللاعبين اللي ينقال عنهم متجنسين وتشادية ويمانية ( من الكلام الاهبل الغبي ) اللي نسمعه ماهم شايلن اسم المنتخب السعودي
اقول لكل متعصب متشدد عقله ناشف مقفل من ايام الجاهلية
يا ابو عقل صغير
لو دخل هدف واحد من اللاعبين اللي تسميهم تشادية او....او....
تبكي ولا تفرح ؟
اكيد تفرح وتفتخر
لكن والله العيب مو فيكم
العيب في اللي يخلي هادا النوع من المواضيع ومايحذفها ولا يحذف الردود اللي مالها داعي
واللي يقول عن مالك معاذ....عبد
والرد مازال موجود في احد اقسام هادا القسم
وصلنا القرن ال21 ولسة بنسمع هادا السب اللي ماله داعي
كلنا عبيد الله
وكانه مالك معاذ او اللاعبين السمر ماسوو شي لتاريخ الكرة السعودية
مو الامراء الله يوفقهم ويطيل اعمارهم رئيس رعاية الشباب ونائبه
شايفين وعارفين انهم مو من اصل سعودي لكن بالرغم من هاد يثقوا فيهم
اكبر دليل الهدية اللي اعطاها الامير سلطان للاعب الكبير مالك معاذ
ياريت يامشرفين وياقائمين على هذا الموقع الكبير تتصرفو مع المواضيع اللي فيها هادا النوع من ىالكلام اللي يسبب العصبية ويثير الفتن والمشاكل
منتداكم كبير ومحترم وراقي
لا توسخوه بوجود اعضاء ومواضيع وردود من النوع اللي ذكرت
والسلام عليكم ورحمة الله
