السلام عليكم

انا مشجع نصراوي و اشتركت في المنتدى لسبب رئيسي و هو شكر جماهير الزعيم بعد مبارة كوريا اللي اضاع فيها سعد الحارثي هجمة لا يضيعها سعد. تمنيت ان تفعل عضويتي باسرع وقت لاشكركم على الوعي و الإنصاف اللي افتقدنها لفترة طويلة.

طبعاً بعد خروجنا من كاس آسيا نقول الحمد الله على المنتخب اللي يبشر بخير و اتمنى ان المدرب و الاتحاد السعودي يستفيد من الاخطاء اللي صارت في هذه البطولة و و يتجنبوها في البطولات القادمة.


و الحين ابي اوجه موضوعي لكل رياضي منصف و محب للاخضر بدون المجاملة لالوان الاندية و هالشي ممكن يوضح نقطة مهمة و هي اختلاف جماهير النصر مع المنتخب و اسبابه. المشكلة تكمن في عدم منح سعد الحارثي للفرصة بينما نجدها تمنح لمن هم اقل منه مستوى امثال (احمد الصويلح, محمد العنبر, يوسف السالم, صالح بشير) طبعاً بتواجد المدرب السئ جداً باكيتا و اللي نجح مع فرق ممكن انها تنجح مع اي مدرب (الهلال و منتخب البرازيل للناشئين) و هالفرق لما تلعب بطريقة دفاعية و تقتنص هدف في اي وقت اكيد انها راح تحقق بطولات و الفرق هذي كبيرة فاتمنى ان ننضر للموضع بإنصاف.

يعني اللي ابي اقوله بإختصار لو سعد الحارثي يلعب لنادي الهلال و لم ياخذ فرصته بل يلعب أخر عشر دقايق او بمنى اصح يدخل في الدقيقه 88 او يتم استدعائه و يكون خارج التشكيلة مثل ما حصل في دورة الخليج ايش راح يكون شعورك كمشج هلالي؟ طبعاً انا ما اقول انه افضل من ياسر او انه المفرض يلعب مكان ياسر لكن اقول انه انظلم و ما اخذ فرصته مثل مالك مثلاً و هالشي هذا راح ياثر على اللاعب و المنتخب.

في الختام اشكر كل مشجع هلالي منصف و بالتوفيق للهلال و النصر في الموسم المقبل و اللي برجوعة راح يكون المنتخب في افضل حالته بسبب المنافسة اللي راح تصير في الدوري بين اللاعبين و المناسفة على المراكز في المنتخب.

و ان شاء الله الموضوع الثاني اكتبه لإبارك لكم في بإنجاء للاخظر