هذا الله يسلمكم حلم حلمته وانا قاعد اتقهوى شاهى حلمت خير اللهم اجعله خير

ان الوليد بن طلال شاف رصيدى فى البنك وقال لازم اشارك ابو الذهب وابنى انا وهو برج

من 150 دور .... المهم انه دق على جوالى وبصراحه مدرى من وين جاب الرقم والغريبه اول مره

اشوف جوال يرن وهو مفصول من الخدمه شفت الرقم وما عرفته قلت منيب راد وبعد

عشر اتصالات ارسل رساله يقول ( طال عمرك رد ابيك ضرورى انا الوليد بن طلال ) تبون الصدق

معد ادرى وش اسوى ورجولى ماعاد شالتنى وقامت عظامى تتصافق ترا مهوب خوف هذا من

البرد تخبرون المربعانيه دخلت المهم قلت يمكن واحد من الشباب يستهبل طيب ليش

مااردى واقول الرقم غلط ولا اقول ان الرقم الذى طلبته ممصوع من الخدمه مؤقتنا .. وانا قاعد

افكر وش اقول الا ورن الجوال وانا ارد على طول هلا محمد وش اخبارك قال محمد مين انا الوليد بن

طلال ( لحظه صمت ) استغرقت حوالى ساعه والوليد على الخط ابو الذهب بسم الله عليك سلامتك

ماتشوف شر وجاب شيخ وقراء على بالتلفون ( الله يسلم رصيدى ) قال اسمع ما ابى اطول عليك

انا بأشاركك قلت طال عمرك انا ناوى افتح مشروع جبار يمكن يأخذ الرصيد كله بصراحه ناوى افتح

خباز ومحل فوال وبقاله قال المشروع اللى عندى اكبر من هذا بكثير بأبنى برج انا وانت قلت اجل

انت شايف رصيدى قال ايه مهوب رصيدك 1750 ريال قلت الا طال عمرك بس بينخصم منها 600

راتب الشغاله و500 ريال بسدد الكهرب و500 بسدد فيها فاتوره الجوال مايبقى الا 150 ريال

لا نسيت شى اخوى يبغى منى 11 حقت بكتين دخان والسواق ماخذ منه 39 ريال معبى بانزيم :sad:

مابقى الاخمسين ريال بيروح منها 5 ريال قلابه و3 ريال تميس وريال مويه وريال سفن لانى مااشرب

ببسى مقاطع البضائع الامريكيه ماعاد يبقى الا 40 ريال

ايه نسيت شى مهم ابى صراويل وفنايل يعنى باضطر اشترى درزن صراويل ودرزن فنايل 38 ريال

مايبقى الا ريالين قال تكفى بكره تمرنى ونوقع العقد

ومادريت الا اخوى الله يجزاه بالخير صافقنى على خشتى اثره كان قالط معنا فى الحلم

وقام من القهر وصفقنى وقال اذا بغيت تحلم احلم على قدك انت وخشتك فرحان بهالريالين

لوهى 100 كان معقول .............