فاقد الشي

اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر... لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
مني نصيحه تنفعك في زمانك
إلاّ شعورك ..لاتبيعه وتشريه
كانك تقدّر قيمه الحب كانك
اللي يودك .. لاتحاول تعنّيه
ياكثر ماحبك فوادي .. وصانك
مع كثر ماتبعده .. كنك تناديه
غيرك امانه خوف .. والخوف امانك
ماكل من راعاك .. تقدر تراعيه
حتى لو علّيت بالقلب ...شانك
ابقى يتيم الحب .. جرحي اقاسيه
اعذرك ..لاحطيت نفسي .. مكانك
لاصرت فاقد شي .. وشلون تعطيه

سعد آل سعود

[gl]اخطيت يوم اني طلبتك حنانك [/gl] [gl]لاصرت فاقد شي ..وشلون تعطيه [/gl]