إقتباس الرسالة الأصلية كتبت بواسطة منتو الرجال معه حق يا جماعة. هذي كأس واللي بيفوز فيها فريق واحد بس. يعني موب تأهل لكأس العالم عشان نقول طموحنا أن نكون من أفضل أربع أو خمس منتخبات. الدفاع كان ممتاز جداً جداً جداً. بس المشكلة إن لاعبي الوسط يساندون الدفاع على حساب الهجوم. يمكن انخفاض مستوى الموسى والقحطاني ساهم في ضعف صناعة الهجمات. لكن يظل هذا عيب واضح وقديم في المنتخب وضروري نتخلص منه بسرعة. دفاعنا صار ممتاز،وهجومنا من يومه عالمي المستوى. بقى عاد إن الوسط الأيمن والوسط الأيسر يشدون حيلهم. وبعدين ما كان فيه داعي لقيام كريري بمهام دفاعية. يكفي إن الأظهرة ما هاجموا أبداً،ترانا لعبنا بست مدافعين بهذيك المباراة. أتمنى لو بالمباراة الجاية يلعب تيسير مكان كريري وعطيف مكان الموسى. وخل الأظهرة يدافعون بمحلهم.اثنين مهاجمين واثنين صانعي لعب كافين لنا جداً. لا تنسون إن هذا عصر الخطط الدفاعية،واليونان أخذت بطولة أوروبا بخطة دفاعية تماماً. تشكيلة المباراة الماضية ما كانت مثالية. البحري والموسى والقحطاني عبدالرحمن مكانهم الاحتياط. ولا تزال لدينا أوراق رابحة ممثلة بتيسير والغامدي وحتى الحارثي. أنا خايف من شيء واحد وهو الطرد. كل المحللين أجمعوا على إن عزيز وكريري كانوا يستحقون الطرد. المشكلة إنهم كانوا مضطرين لارتكاب المخالفات لإيقاف الهجمات الخطرة. المنتخب الكوري موب سهل أبداً.لعبنا بست مدافعين ثابتين و مع كذا دخل فينا جول. حنا بنفوز على أندونيسيا إن شاء الله،بس تابعوا مباراة كوريا والبحرين زين. أتوقع إن الكوريين بيسجلون ثلاثة أهداف على الأقل.تعادلنا معهم كان إنجاز. بصراحة أنا أقصى طموحي إننا نوصل لنصف النهائي. خلونا نحسّن من تقييمنا عند الفيفا ونذكر آسيا بأننا من الأربعة الكبار. أتمنى لو تتأهل كوريا واليابان وإيران معنا لنصف النهائي عشان تثبت هالصورة في أذهان الآسيويين. كل العالم عندهم محترفين بأوروبا وحنا نبي من لاعبي الوحدة والاتفاق إنهم يجارونهم! اللي يطالب المنتخب السعودي بالحصول على الكأس غير واقعي. المهم إننا نوصل لدور الأربعة،واللي يجي بعدها مقبول.

كفيت ووفيت والله وانت صادق بكل كلمه قلتها والباقين كلامهم بااااايخ ...