حجز
يمكن ارجع ويمكن لا
لا تمسكني بكلمة

\\\\\\\\\\\\\\\\\\\\\\\\\\\\\////////////////////////////

ها انا ذا مجددا >>>> شكل واحد راكب بعير

ليه انا شايفكم طايحين في نصب الاجانب

بالعكس الاجانب نصبهم على عشرة خمسين مية
يعني في هالحدود

لكن تعال لنصب حبايبنا السعوديين

انا بقول السالفة بدون كلام كثير

هذا كان فيه واحد من الشباب توه جاي عزوبي للرياض
وبالصدفة انا كنت هناك

المهم كان يبي يستاجر له شقه

طبعا كان يروح مع واحد من الاقارب
معه سيارة فخمة >>> احد سمعني قلت بانوراما ما احد سمعني ... اجل احسن


المهم كانوا يوقفون السيارة قدام باب مكتب العقار
ويدخلون عليه مع ذي الاشكال اللي
كانها بتشتري مخطط كامل

وهم يالله يبون شقة
لا وبعد يفرق الايجار على الف والفين


المهم كانت الايجارات على غرفتين وصالة وحمام
في حدود 27000 او 28000 في السنة


المهم والله الادمي قال انا على كذا بيروح الراتب ايجارات


طرت على بالي فكرة ان السبب في رفع الايجار هو السيارة والاشكال اللي جات تستاجر

تركناه كم يوم الين نسي صاحب العقار

ودورنا كرسيدا 84 سيدان حقت واحد من الشباب

ورحنا نفس المكاتب اللي جيناها من اول
والله فرق في الاسعار مجنون

نفس الشقة اللي فوق بسبعة وعشرين اخذها الرجال
بــ 14500 بس

والله العظيم رفعوا ضغطي
فرق اكثر من الضعف

وزعلانين عشان الهندي بياخذ ريال ولا مية


عوافي ابو راس
والحمد لله على سلامة المية