| *** بعض الناس الله يهديهم يفتح الباب عند الاشاره ويطالع على تحت شوي ثم ( ... ) يتفل - الله يكرمكم - بعدين يصك الباب خصوصا سواقين الليموزينات والاجانب
( الهنود الي يسون كذا )
* واحد ماسك المسار الايمين وتكوون الاشارة حمراء ويسكر الطريق على الناس اللي بيلفوون يمين !!
( أروح عند أي اشارة لازم القى واحد واقف على اليمين والي وراة يبون يلفون يمين )
*** والادهى منه واحد ثاني يسكر المسار الايمن عند الاشارة واذا سمع البواري والازعاج اللي وراه .. يلف شوي يسار ويعرض الموتر ويسكر على اللي جنبه بكل وقاحة !!
( في بعضهم ولا كأنة احد وراهم يعني مايوخرون )
* البعض تلقاهم ينسون الاشاره تدق يايمين يايسار من مسافة كيلو ويوهقون اللي وراهم!!
( لاوفي مرة واحد يدق أشارة يسار مدري كم كيلو على الطريق العام واذا جات اللفة يلف يمين )
*** ظاهرة التسارع بالسيارة بسرعة عالية جدا عند رؤية نور الاشارة الاصفر بقصد اللحاق على الاشارة وعبورها وهذه من أخطر الظواهر وتكاد تكون اخطر من قطع الاشارة العادي
( دايما تصير لما اكون واقف في اشارة وصارت خضراء تلقى الاشارة الي جنبك حمراء وقاطع الأشارة ) | 