نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الملك"توتي" · #1 08/07/2007, 12:56 PM

بسم الله الرحمن الرحيم

صبحكم الله بالخير !!

صراحة انا مستغرب استغراب شديد من اللي صاير

وللأسف ان جماهيرنا بهالشكل الفاضح

انا بتكلم عن اللي يشجعون منتخبات ( أجنبية ) علينا

يعني سعودي يشجع استراليا ؟؟

سعودي يشجع اليابان على السعودية ؟؟

ما تحسون انها عيب امانة ؟؟

ما تحسون انها عار ؟؟

تخيّلوا الجملة بس

( سعودي يشجع اليابان على السعودية ) << مدري احس فيها شي غير طبيعي

احس ان الجملة سب ؟؟

ما تحسون معي انتم ؟؟

وهذا الشي صاير وربي صاير

والمشكلة ان هالناس البايخة عذرهم يكون أبيخ

مثل اللي يقول :

انا اشجع اليابان عشان عندها محترفين في اوروبا

والا

انا اشجع استراليا عشانها اقوى من السعودية

لااا !! ونزلت موضة جديدة تقول :

انا اشجع كوريا على السعودية عشان ما ضمو محمد نور والا ما ضمو فلان والا علان :p

وبصراحة هذي الأعذار بااااااااااااااايخة ؛ والي يتعذر فيها أبــيخ

وياحسافة بس إن في ناس على هالشاكلة

والله اني بديت احس ان اقل دولة تشجع منتخبها السعودية

لا وازيدكم من الشعر بيت

في موقع من المواقع ( المتخصصة في البطولة الأسيوية )

جاك واحد سعودي يقول :

انا بشجع استراليا في البطولة ولا همني السعودية

تقوله وين الوطنية ؟؟

يقول : اش دخل الوطنية ؟؟ يعني اذا شجّعتهم بيفوزون ؟؟ <<< بالله ذا عذر

انا بس بالأخير بقول شي واحد :

يا ناس ترى جيرانا وغير جيرانا وكل من يكره السعودية يضحك علينا بسببكم

يعني أنتُم وبسبب عقليّاتكم ضحكتم الناس علينا ، يعني تروكم مضحكة و مسخره

وتروكم ناكرين جميل وخونة ، واذا مو عاجبك المنتخب روح خذ جنسية دولة منتخبها قوي

واللبيب يفهم

على طاري الخونة ، تدرون وش احسن شي فيهم ؟؟ :p

إنهم واقعيين

سبحان الله تقوله ياخي هذا منتخبك يقول : ياخي انا انسان واقعي وصريح ومنتخبنا ما يستحق التشجيع << يلعن ام الفلة على هالذكي تحس ان اخوك ابو سنتين بيطقطق عليه

وفي الختام

انا سعودي وراسي فوووق وراح اشجع المنتخب السعودي ومع المنتخب السعودي لو يخسر بالعشرة

تحيّاتي