بسم الله الرحمن الرحيم
اخش بالموضوع بدون مقدمات
الهلال وحال الهلال
الوضع بالنادي مايطمن ابد ولايسر ومن المتسبب ؟؟
ياهلاليين ياغيورين على هالشعار ترضون بالوضع اللي صاير بالنادي؟؟
رئيس مصيف وتارك النادي يغلي
اعضاء شرف مصيفين بعد ماترززوا بالصحافة
الادارة ماحولك احد وتنتظر التعليمات
والجمهور يغلي ولا احد حاس فيهم
ياناس هل يعقل نادي زي الهلال مايقدر ياخذ اصغر صفقة ؟؟
هل يعقل ان يتم الغاء المعسكر بسبب المادة ؟؟ وتطلع الادارة وتقول حنا وفرنا بس المدرب مايبي
اجل المغرب وتونس افضل من سويسرا
على العموم انا انسان يأست بصراحة من وضع الادارة والفريق بشكل عام لكن عندي كلمتين ابي اقولها
اول شي يابو سلطان ترى رئاسة النادي مو بالتليفون وشف الاندية الثانية كيف تشتغل وحنا ولا نفس حدنا تجديد للاعبينا
ثاني شي اذا مو قادرين تجيبون لاعبين زي الناس ماعندنا مشكلة لكن وحطوا تحت لكن 100 خط
مانبي اشباه اللاعبين بالفريق على حساب النجوم والامثلة كثيرة وواضحة ومايحتاج اكرر اسطوانة المفرج والخثران وهالشلة
نبي نشوف خيرات ونور والفريدي والكلثم والدوسري وغيرهم من الفريق الاولمبي
بكذا حنا نصبر اما تنهزم وتطلع من البطولات والكديش يلعبون لا والف لا
بالاخير كلمة لاعضاء المنتديات الهلالية وللجمهور الهلالي عطوا الشباب ثقتكم وحتشوفون النتيجة ;)
وسلامتكم
