اااااااه يالجاثوم جاني مره وحده وطير عقلي
كالعاده نمت < بالله كالعاده ههههههه
مافيني نوم احاول واتقلب ابي انام بالغصب وراي جامعه بس ماجاني نوم
والجوال كالعاده على الصامت وجنبي والغرفه ظلااام
دق الجوال طبعا عالصامت بس اشوف النور يولع ويطفي ابي بس امد يدي وربي ماا قدر
وانا في هذي الحاله اشوف نور الجوال يعني متأكد اني في علم مو حلم احاول مره واثنين وثلاث ما اقدر ابي اتكلم ابي اذكر الله وربي حتى الكلام ماقدرت انكتم نفسي وربي حسيت اني بمووت والجوال يدق اشوف نوره في السقف
وه بس شوي لين قدرت اتحرك وربي من الخوف قمت ومارجعت انام شغلت السياره واخذت كم لفه لين قرب الفجر ورجعت ( للأمانه ذاك اليوم نمت بعد الفجر وسحبت على الجامعه )
بس عن جد شي مخيف
كان يجي اخوي واضحك عليه واتريق اقول هذا جاثومه معجبه ما خليت الانس في حالهم حتى الجن بعد ؟
بعدها بأسبوع وهو محضر عندي شكله ابوهم الي جاني هههههههههههه اللهم لا اعاقه بس
