هلا وغلا والله برورو الاموره اللي لها فقده اد الدنيا
من كثر اشتياقي قمت وكتبت هالبيت
يوم شفت خشت يوزرك المنيل عفوا الجميل:p
هلا والله برورو والجميع
هلا بالطله الا مالها مثيل<<< شرايك فيني انا امدحك

وبعدين وش هالبيت اللي مسويته افتتاحيه للموضوع والله انه حزني
وذكرني بيوم الاربعاء واحنا نودع بعض وحالتنا اللي يرثى لها

إقتباس مشتااااقه مشتااااقه اوي اوي

اوي اوي والا وايد وايد

إقتباس حتى وانا اذاكر افكر فيكم

يا حياتي ;)

إقتباس بس الحمد لله انتيهينا من الدراســه وننتظر النسبه بفارغ الصبر دعواتكم

ايه والله الحمد لله والله يوفقنا جميع

إقتباس كل ماانذكر النسبه قلبي يدق سـامري طربق طربق

ههههههههه مثل حالاتي بس الله يعدي هالايام على خير

إقتباس ومبروك لأسيره تخرجها وعقبــال التعيين ان شالله

مبروك لها وتستاهل والله كل خير;)

إقتباس القصه نشــأتها منذ قديم الزمان

مغبره يعني كح كح ترى ما اتحمل معاي ربوو:p

انا شريت هديتي منذووو مبطي من الاسبوع الثاني بالاختبارات قلت
لامي انا ناجحه ناجحه بس ابي هديتي من الحين قالت من الحين عاد
وانتي ما بعد خلصتي قلت هذي من زود الثقه المفرطه اللي عندي
وشرتي الهديه اللي قلت لها عليها وهي لاب توب ..
والحمد لله اني اخاف من السيارات ولا احبها عشان حتى لو قرروا انهم
يخلون الحريم بالسعوديه يسوقون انا ما راح اسوق لا ني مو قد السواقه
ومشاكلها والمواقف السخيفه اللي راح تصير بسبه السواقه ..

إقتباس العيون السود: أصحاب هذه العيون هم أناس حالمون يعيشون أجواء الشِعِر، كما أنهم أناس أسخياء وكرماء للغاية، يساندون الغير حتى على حساب أنفسهم، لكنهم يتمتعون بشخصية قوية. الغيرة ترافقهم باستمرار ومشاعرهم الرقيقة تجعلهم «أرضاً خصبة« للأصحاب. فهم إجتماعيون للغاية، لكن في حال انزعاجهم من أمر يفقدون السيطرة على أنفسهم.

يا حليلي بس كل هذا فيني اما الغيره هذي داخله بالغلط وش حقه اغار
ومن منوو الله يخلف على اللي اكتبه شكله عيونه سود وعممها علينا
عاد الاخيره صادق وبقووه وما اقدر انكر بس بعض الاوقات مو دائم ..

إقتباس في يــــوم الأربعاء الموافق 5/6/1427هـ

اووه يهاليوم وقسوته ووداع المدرسه اللي كنا نقضي فيها ايام حلووه
وبعد الصديقات اللي فراقهم كان صعب حيل بس يالله كل شي وله نهايه

إقتباس برجع بقولك اني مافقدتك

وش هالجحود يا رورو ما توقعتك ابد دي المدرسه هي اللي صابره
علينا والله يعينا على الجامعه وبلاويها ..

إقتباس اسأل الله العظيم رب العرش العظيم أن يشفي والدة أخـــينا أبو ريمان ويلبسها لبـاس الصحه والعافيه..

اللهم امين ..

والله و لك وحشه يا بطه وفرحت يوم شفت موضوعك
ما شاء الله عليتس متحمسه واجد مو مثلي تعودت على فقدته:p
وما فيني حتى شده انزل موضوع شكلي بخليك تسوين لي موضوع

وتنزلينه باسمي وتردين عليهم وانا بس اشاهد يعني حتى رد مو راده ..
والله يعطيك العافيه على هالموضوع الخفيف .. ودمتي بخير وسعاده ..