هلا والله بجميع الأخوان...

بالنسبة لقصيدة " لا هنت "... فهي من أروع القصايد التي كتبها دايم السيف..وهي كما هو معلوم

مرثية في والده جلالة الملك فيصل بن عبد العزيز رحمه الله تعالى... والقصيدة هي..

"لا هنت"

لاهنت ياراس الرجاجيل لاهنت.. لاهان راس في ثرى العود مدفـون..

والله ما أحطك بالقبر لكن امنت.. باللي جعل دفن المسلـمين مسنون..

منزلك ياعز الشرف لو تمكنت.. فوق النجوم اللي تعلـت على الكون..

سكنت دار المجد ياشيخ واسكنت.. شعبك معك في منزل العز ممـنون..

صنت العهد ياوافي العهد ماخنت.. علمتهم وشلون الأشراف يوفون..

كم ظالم عاداك واعفيت واحسنت.. واخلفت ظن جموع ناس يظنون..

شلت الأمانة حافـظٍ ماتهـاونـت..شفـنا بـك رجـال على الـعز يــقوون..

يــاللـي طـلبه الـمـلك بالحـب زيـنـت.. عــرشـك بتـاج نـاس يحـبون..

لونـت تـاج الـملك مـاقـد تـلونت.. مـاغرتـك دنيـاك ماصـرت مفتون..

بالزهد والمعروف والصبر كونت.. منهاج فيصل منهج اللي يعدلون..

تلفتت روس المخاليق وين أنت.. وين العظيم وعود الشوف مطعون..

كـم خـافق وقـف عقب مـاتكفـنت.. وكـم ناظـر ذوب سـواداه محـزون..

لـو شـفت حـال الـشعب بعـدك تبيـنت.. مقدار حب الناس للي يودون..

ممـا بقلبي قـلت يابوي لاهــنت.. والا انت فوق القول مهما يقولون..


تحياتي ...أبــــو ســـاره.