18/06/2007, 12:33 AM
|
| زعيــم مميــز | | تاريخ التسجيل: 02/10/2004 المكان: مركز تدريب (ميلان) !!
مشاركات: 5,754
| |
سواها الداهيه كابيلو بتغيير واحد 
.......
ابو اريام
اول شئ بوضح لك نقطة بخصوص ( سفر الجماهير الانجليزيه مع فرقها )
وهذا أنت خليته معيار قياس لحب الفريق وهو مقياس خاطئ طبعاً
لأنه ببساطه ممكن تلقى أحد مطفر ولامعه ريال واحد ويموت بفريقه
فأمور الماديات تختلف من شعب الى شعب ومن شخص الى شخص آخر
بالنسبه لسفر الجماهير الانجليزيه فمااستغرب ابداً سفرها وانا اعلمك ليش
الانجليز يابو اريام عايشين حياة هي الأغلى على مستوى اوروبا
فمسألة سفر مشجع لدولة أخرى عندهم .. اهون من سفرهم من مدينة لمدينة داخل إنجلترا
لأن سفرهم لأي بلد بيكون ( سهل ) ولاراح يسبب لهم مشاكل ماديه
اقتصاد انجلترا كان من أقوى ثلاث انظمة اقتصاديه بالعالم
أما الآن فهي الثامنه على مستوى العالم بسبب العجز الإقتصادي
فهناك عايشين حياة غلاء مو طبيعيه
وهذا السبب اللي اقولك سهّل عليهم انتقالهم إلى أي بلد ثاني
لانه بيكون في كل شئ ارخص من بلدهم
.......................
بالنسبه لكلامك عن اللاتبينين ومقارنة الانجليز فيهم
فأستغربه صراحه يابو اريام وابيك تسمح لي بهالشئ
الانجليز مختلفين عن اللاتبينيين مية وثمانين درجة
لامن ناحية طرق تشجيع ولامن ناحية حماس ولامن ناحية تعبير عن الفوز
أسبانيا وإيطاليا هم لاتينيين أوروبا وهذا الشئ معروف ولافيه أي نقاش
..........................
بالنسبه لكلامك عن الكالشيو انا مااقصد انك ماتشوفه
انا اللي اقصده استغرابك عن العزوف الجماهيري و كلامك عن الحضور لبعض الفرق
ومعروف أكثر جمهور في إيطاليا يشجع فريقه بحماس هو لاتسيو
لأنه الجمهور الوحيد في إيطاليا اللي مايجلس أبد على الكراسي 
يجون واقفين ويشجعون .. سواءاً منهزمين او فايزين
...........................
بين هلالين
لكل شعب ( طبيعته اللي خلقها الله عليه )
الإنجليز باردين وطرقهم بالتعبير لحبهم لفرقهم تختلف عن الإيطاليين اللي دمهم حار
وضربت لك امثله بسيطه
هذا هو مربط الفرس
اما بالنسبه للكلام اللي اخالفكم فيه
انكم حصرتوا طرق تعبير الانجليز بأنها اكثر جماهير تحب فريقها
وش عشانه ؟
عشانها تشجعه وهو خاسر
وهذا معيار خاطئ بالجملة وبالتفصيل
فيه ناس بعد عندها استعداد تقتل عشان فريقها
وهذولا يحبون فريقهم .. وممكن اقول انهم اكثر اشخاص يحبون فرقهم بالعالم
..................
من ناحية الافضليه عشان نطلع بكلام مفيد
انا بالنسبه لي اعشق اللاتينيين لانهم منبع الفن بكل شئ
وسبب كلامي عن الإيطاليين لأنهم لاتينيين ولهم نفس الطبايع
وصلى الله وسلم على نبينا محمد
بس هذي السالفه |
