أول شي الله يعطيك العافية انس على التقديم المميز رغم قصر الوقت ..  طبعا لقاء الريال لايقبل القسمه على اثنين اذا كانوا يبون الدوري .. برشلونة ماراح يفرط في مباراة جيمناستك وأكيد يبي ختامها مسك ومايبي ينكوي من النار الي انكوى منها الجوله الي راحت بعد التعادل مع اسبانيول .. لذلك مدريد اكيد مايبي يحط نفسه بموقف محرج سواء بالتعادل او الهزيمه من مايوركا .. خصوصا ان الأخير عنده سجل حافل على البرنابيو .. لكن أكيد هـ المباراة تختلف عن أي مباراة قبلها .. إشبيلية طبعا ممكن يخطف الدوري ليش لأ .. لكن ما اتوقع انه اذا تعثر الريال ان برشلونة راح يتعثر .. خاصه اذا كانت المباراة قدام متذيل الترتيب العام من اوائل الجولات الإسبانيه .. هذا بالنسبة لـ فرق الصداره ومدى امكانية تحقيقها للقب طبعا .. لكن فيه صراع آخر في هـ الجولة وهو الصراع على الهبوط .. طبعا خيمناستك ضمن الهبوط للدرجه الثانيه بعد ما تاهل منها الموسم الي راح .. لكن فيه أنديه تعتبر كبيره او من اندية الوسط الإسبانيه ممكن تهبط ونفقدها الموسم الجاي .. ريال بيتيس صاحب المركز الـ 16 مناصفه مع بلباو بـ 37 نقطه .. سلتا فيقو وهو أقرب الهابطين صاحب المركز الـ 18 بـ 36 نقطه .. سوسيداد صاحب المركز الـ 19 والـ 34 نقطه .. اضافة الى خيمناستك الي هبط وبرصيده 28 نقطه فقط .. من خلال هالكم معلومه .. نقدر نقول انه الي احتمالية هبوطهم للدرجه الثانيه هم سلتا فيقو وريال سوسيداد .. كون بيتيس وبلباو ما اتوقع انهم راح يسمحون للحسابات المعقده انها تقرر مصيرهم .. 1 / ريال مايوركا صال وجال على ملعب البرنابيو في اوقات سابقة وحقق انتصارات كثيره هناك .. هل باعتقادك أن زملاء ماكسي لوبيز لاعب البارسا السابق عمل شيء في هذه الجوله امام الريال وعلى البرنابيو كما كان صامويل إيتو .. ؟
اكيد أيام إيتو مع مايوركا غير الايام الحالية لماكسي .. الريال بهالمباراة راح يقاتلون حتى النهاية وماراح يفرطون بنتيجة المباراة وراح يسوون أي شي بس علشان ياخذون الثلاث نقاط .. لكن كل شي جايز .. ممكن مايوركا يسوي شي في البرنابيو ويصنع معروف العمر للبارسا .. وممكن مايتغير شي في الترتيب العام ..
2 / نظرا لإنحدار مستوى خيمناستيك وفوز البارسا النظري .. هل تتوقع حدوث مفاجأه في هذه المباراة .. ؟
لا اتوقع من خيمناستك عمل أي شيء خلال هذا المباراة بالنسبة لنتيجتها .. صحيح ان البارسا أضاعها اكثر من مره .. لكن لابد من إنهاء الموسم بنتيجة ومباراة مميزه وحفظ ماء الوجه .. وعلى الأقل الإبقاء على الفارق بينه وبين المتصدر ..
3 / توقعاتك للجوله بشكل عام .. فوز الفرق الثلاثه واستمرار الوضع على ماهو عليه وتحقيق الريال للاليقا .. أم تعادل المتصدر وفوز الوصيف وصاحب المركز الثالث .. تعادل المتصدر والوصيف وفوز صاحب المركز الثالث وتحقيقه للبطولة .. تعادل المتصدر وصاحب المركز الثالث وفوز الوصيف وتحقيق البطولة .. ؟
التوقع في مثل هذه الظروف ومثل هذه المباريات أمر جدا صعب .. لكن كل شيء وارد وممكن .. لن اتوقع شيء هنا وأدع الامور لمشيئة الله .. وباذنه تعالى نرى نتائج إيجابيه لبرشلونة بتحقيق اللقب للمره الـ 19 في تاريخه ..
اخر تعديل كان بواسطة » S U L A I M A N في يوم » 17/06/2007 عند الساعة » 08:05 AM | 