16/06/2007, 10:53 AM
|
 | مشرف سابق بمنتدى الرياضه العربيه والعالميه | | تاريخ التسجيل: 30/08/2003 المكان: الرياض
مشاركات: 7,618
| |
السلام عليكم هلا بعشاق البلوقرانا .. هلا بعشاق المتعه الكرويه .. هلا بحبايبنا .. أبشركم رجعنا للرياض بالسلامة ولله الحمد والمنه .. وأبشركم السفره كانت ممتعه ولله الحمد  . .. .. .. .. . أول شي بعلق على الشغله الي تقول ان الجزيره بترسل متابعين ومراسلين لأسبانيا لتغطيه حدث الفوز بالدوري .. وبيرسلون يوسف سيف واعتقد أيمن جاده بعد علشان هالشغله .. تتوقعون بعد الشغله هذي .. بيقتنعون الاخوان المدريديه بالي نعتقده أو بالأحرى بالي نحاول اننا نقنعهم فيه وهم مهب راضين يقتنعون .. !! يعني برشلونة اخذوا الدوري بعد ست سنين عجاف .. ولا شفنا شي من هالي سووه !! الشي الوحيد الي سووه نقلوا اختفالاتهم بالدوري .. لا ونص النقل جايبينلك الي بالاستوديو !! يعني تفرقه واضحه للعيان .. مع ذلك الجزيره برشلونية .. ماعلينا .. باذن الله يغيرون وجهتهم لكتلونيا مع انه ماهمنا لو ماينقلون المباراة .. اذا اخذنا الدوري طبعا .. . .. .. .. . بعد الأخبار الكثيره الي سمعناها عن هنري والي يقول انه اجتمع مع تكسيكي والي يقول انه خلاص بيوقع والي يقول انه خلاص وقع وووو .. وبعد آخر الاخبار الي تقول انه بيوقع بـ 35 مليون لموسمين .. إذا تكسيكي فعلا بيوقع مع هنري بالمبلغ هذا وللمده هذي .. فـ راح يأكد لي وللكثيرين انه فعلا مفاوض ومدير تنفيذي ومدير صفقات فاشل .. بل أحد أفشل المفاوضين على مدى تاريخ برشلونة .. ان لم يكن أفشلهم .. ماراح أتكلم كثير عن تكسيكي لأني أشوف اني عطيته اكبر من قدره بالكلام .. غير ان كلامي ماراح يودي ولا يجيب .. لكني راح اتكلم عن هنري وقدومه للبارسا .. طبعا رأيي في هنري نفس رأي أبو سلطان وهو عارف هالشي من أول :p .. يعني قدوم هنري للفريق بيسبب قلق وربكة للفريق .. وراح يغير خطة الفريق من اول وجديد .. هذا غير احتمالية خروج واحد من الـ rem من الفريق .. وهذا الي ما اتمناه ولا يتمناه كثير من عشاق البارسا .. ثلاثي الهجوم عندنا جدا مميز .. ماله داعي التغيير فيه .. الا ان كان هنري راح يصير مهاجم صريح مع ايتو .. فـ هذي شغله ثانيه .. طبعا روني مايصير صانع ألعاب بحت .. لازم يجنح يسار وهذي روني الي عرفناه والي نعرفه .. مباراة الاتلتكو شفناه يصنع ألعاب ويجنح .. نفس الشي مباراة سرقسطه على ما أعتقد .. جناح + صانع ألعاب .. وهنري من نوعية المهاجمين الي عطه كوره ومالك الا الي يسرك .. وإيتو عاد ماعليه كلام .. وميسي هالبرغوثه ماحد يقدر يتكلم عليه عاد :p لكن الشي الي فعلا رافع ضغطي .. وأكد عليه إيتو بتصريح قريته وانا أقرى الصفحات الي قبل .. يقول ان الفريق بحاجه للترميم الدفاع .. أو شي زي كذا .. طيب يا مستر تكسيكي عندك الدفاع ماضيعنا الموسم الي راح الا هو .. مادري وش السبب الي يخليك ماتفكر بمدافع الى الحين !! مادري يعني نعجبك حال الفريق كذا ولا شلون !! أسوأ مركز بالفريق مافكروا فيه الا على خفيف .. وفكروا بمين !! ميليتو وهذولا ! يعني اوكي ميليتو كويس وكذا .. لكن فيه الي أفضل منه ويتمنى يلبس شعار برشلونة .. ياهي فاوض تشيفو شف وشعه حاول معه .. اما تجلس لي تحتري عقو الاعبين تنتهي هذا الكلام الي مايخش المزاج صراحة على العموم .. موسم الانتقالات ماخلص الى الآن .. وان شاء الله نشوف تحرك من الإداره نحو الأفضل في جميع المراكز .. حاصة المناطق الخلفيه .. جيو وسيلفيو وألقوير وبيليتي وموتا .. وياقلب لاتحزن |
